ՀՀ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ ՀՐԱՄԱՆԸ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԸ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

9 ապրիլի 2007 թ.

Պետական գրանցման թիվ 11607170

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

30 մարտի 2007 թ.

ք. Երևան N 75-Ն

Հ Ր Ա Մ Ա Ն

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԸ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» ենթակետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» ենթակետի դրույթով.

1. 2007 թվականի ապրիլի 17-ից գործողության մեջ դնել Կարեն Դեմիրճյանի ծննդյան 75-ամյակին նվիրված «Կարեն Դեմիրճյան 1932-1999. Կարեն Դեմիրճյանի անվան մարզահամերգային համալիր, Երևան Karen Demirtchyan Sport and Concert Complex, Yerevan» նամականիշով միակողմանի բացիկը՝ սահմանելով անվանագինը 240 դրամ, տպաքանակը՝ 1500 հատ։

2. 2007 թվականի մայիսի 9-ից գործողության մեջ դնել Հայաստանի Հանրապետության պետական պարգևներ շարքից. «Վարդան Մամիկոնյան» շքանշան Vardan Mamikonyan Order» նամականիշով միակողմանի բացիկը՝ սահմանելով անվանագինը 240 դրամ, տպաքանակը՝ 1000 հատ։

3. 2007 թվականի մայիսի 25-ից գործողության մեջ դնել Սիրանույշի ծննդյան 150-ամյակին նվիրված «Սիրանույշ 1857-1932. Սիրանույշը Սաֆոյի դերում Siranuysh in the role of Sappho» նամականիշով միակողմանի բացիկը՝ սահմանելով անվանագինը 240 դրամ, տպաքանակը՝ 1000 հատ։

ՀՀ տրանսպորտի և կապի

նախարար` Ա. Մանուկյան