ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
4 մայիսի 2007 թ.
ք. Երևան N 209
Ո Ր Ո Շ ՈՒ Մ
«ԷԼԵԿՏՐՈՆԱՅԻՆ ՀԱՂՈՐԴԱԿՑՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 33-ՐԴ ՀՈԴՎԱԾԻ ՊԱՇՏՈՆԱԿԱՆ ՊԱՐԶԱԲԱՆՄԱՆ ՄԱՍԻՆ
Հաշվի առնելով՝
ա) «Էլեկտրոնային հաղորդակցության մասին» Հայաստանի Հանրապետության օրենքի (այսուհետև՝ Օրենք) 2-րդ և 33-րդ հոդվածները, որոնց համաձայն փոխկապակցումը դա հանրային էլեկտրոնային հաղորդակցության երկու ցանցերի կապակցումն է.
բ) Օրենքի 2-րդ հոդվածը, որի համաձայն ցանցի լիցենզիան դա օրենքի համաձայն տրված բարդ լիցենզիա է, որը լիցենզավորված անձին իրավունք է վերապահում ունենալ և շահագործել հանրային էլեկտրոնային հաղորդակցության ցանց.
գ) «Լիցենզավորման մասին» Հայաստանի Հանրապետության օրենքի 43-րդ հոդվածը, որի համաձայն հանրային էլեկտրոնային հաղորդակցության ցանցի լիցենզիան բարդ ընթացակարգով տրվող լիցենզիա է.
դ) Օրենքի 2-րդ հոդվածը, որի համաձայն ծառայություն մատուցողի լիցենզիան դա օրենքի համաձայն տրված պարզ լիցենզիա է, որը լիցենզավորված անձին իրավունք է վերապահում մատուցել հանրային էլեկտրոնային հաղորդակցության ծառայություններ.
ե) Օրենքի 2-րդ հոդվածը, որի համաձայն օպերատոր է համարվում ցանկացած անձ, որը կարգավորողի կողմից լիազորված է տիրապետել և շահագործել հանրային էլեկտրոնային հաղորդակցության ցանցը՝ էլեկտրոնային հաղորդակցության ծառայություններ մատուցելու նպատակով.
զ) Օրենքի 15-րդ հոդվածը, որով սահմանվում է, որ հանրային էլեկտրոնային հաղորդակցության ցանցի սեփականատերը պարտավոր է շահագործել այդ ցանցը, և հիմք ընդունելով «Իրավական ակտերի մասին» Հայաստանի Հանրապետության օրենքի 87-րդ հոդվածի 2-րդ մասի գ) կետը՝ Հայաստանի Հանրապետության հանրային ծառայությունները կարգավորող հանձնաժողովը որոշում է.
Պաշտոնապես պարզաբանել, որ Օրենքի 33-րդ հոդվածը վերաբերում է միայն օպերատորներին:
ՀՀ հանրային ծառայությունները
կարգավորող հանձնաժողովի
նախագահ` Ռ. Նազարյան