Գլուխ 2 · ԱՆՎՃԱՐՈՒՆԱԿՈՒԹՅԱՆ ՎԵՐԱԲԵՐՅԱԼ ԳՈՐԾԻ ՎԱՐՈՒՅԹԸ
Հոդված 14. ՊԱՐՏԱՊԱՆԻՆ ՊԱՏԿԱՆՈՂ ԳՈՒՅՔԸ և ԴՐԱ ՏՆՕՐԻՆՈՒՄԸ
Հոդված 14. ՊԱՐՏԱՊԱՆԻՆ ՊԱՏԿԱՆՈՂ ԳՈՒՅՔԸ և ԴՐԱ ՏՆՕՐԻՆՈՒՄԸ
1. Դատարանի կողմից պարտապանին անվճարունակ ճանաչելու պահից առանց դատավորի որոշման արգելվում է պարտապանին պատկանող գույքի վաճառքը կամ այլ ձևով օտարումը, վարձակալության տալը կամ գրավադրումը, այդ թվում` առկա պարտավորությունների կատարման նպատակով:
2. Պարտապանին պատկանող գույքի կազմի մեջ ներառվում են`
ա) պարտապանին պատկանող ողջ շարժական և անշարժ գույքը (ներառյալ երրորդ անձանց նկատմամբ ունեցած պահանջները), որի վրա դատարանի որոշմամբ կարող է բռնագանձում տարածվել.
բ) պարտապանին անվճարունակ ճանաչելուց հետո մեկ տարվա ընթացքում ստացված ժառանգությունը, ապահովագրական և այլ չնախատեսված գումարները.
գ) գույքի օգտագործումից ստացվող եկամուտները.
դ) պայմանագրային իրավունքները: