040.0871.18.09.01
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
18 սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
18 սեպտեմբերի 2001 թվականի N 871
քաղ. Երևան
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2001 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՎԵՐԱԲԱՇԽՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒՆՎԱՐԻ 30-Ի N 68 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հաշվի առնելով Սևանա լճի բնապահպանական և հանրապետության ոռոգման խնդիրների լուծման հարցում «Հիդրոտեխնիկական կառուցվածքներ Որոտան գետի վրա» օբյեկտի «Որոտան-Արփա թունելի գլխամասային ջրընդունիչ կառուցվածքի վերականգնում» ենթաօբյեկտի խիստ կարևորությունը, ու ելնելով ջրատարի 1-ին և 2-րդ թունելախորշերի փորվածքամիացումը 2002 թվականի հունիս-հուլիս ամիսներին ապահովելու անհրաժեշտությունից, ինչպես նաև հիմք ընդունելով «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի 12-րդ հոդվածի «ա» կետը` Հայաստանի Հանրապետության կառավարությունը որոշում է.
1. «Հիդրոտեխնիկական կառուցվածքներ Որոտան գետի վրա» օբյեկտի «Որոտան-Արփա թունելի գլխամասային ջրընդունիչ կառուցվածքի վերականգնում» ենթաօբյեկտի վերգետնյա կառույցի վերականգնման աշխատանքների ավարտման ժամկետ սահմանել 2002 թվականի մարտի 15-ը, իսկ ստորջրյա կառույցինը` 2002 թվականի ապրիլի 30-ը:
(1-ին կետը փոփ. 02.03.02 N 192)
2. «Հիդրոտեխնիկական կառուցվածքներ Որոտան գետի վրա» օբյեկտի «Որոտան-Արփա թունելի գլխամասային ջրընդունիչ կառուցվածքի վերականգնում» ենթաօբյեկտի շինարարական աշխատանքների պատվիրատու ճանաչել Հայաստանի Հանրապետության քաղաքաշինության նախարարության «Հիդրոտեխնիկական կառուցվածքներ» պետական հիմնարկը:
3. «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի N 1 հավելվածում ու նույն հավելվածի N 16 աղյուսակում և Հայաստանի Հանրապետության կառավարության 2001 թվականի հունվարի 30-ի «Հայաստանի Հանրապետության 2001 թվականի պետական բյուջեի կատարումն ապահովող միջոցառումների մասին» N 68 որոշման N 5 հավելվածում համապատասխանաբար կատարել վերաբաշխում և փոփոխություններ` համաձայն հավելվածի:
4. Հայաստանի Հանրապետության քաղաքաշինության նախարարությանը`
ա) Հայաստանի Հանրապետության կառավարությանն առընթեր պետական գնումների գործակալության հետ համատեղ միջոցներ ձեռնարկել մինչև 2001 թվականի հոկտեմբերի 15-ը «Որոտան-Արփա թունելի գլխամասային ջրընդունիչ կառուցվածքի վերականգնում» ենթաօբյեկտի շինարարական աշխատանքներն իրականացնելու նպատակով շինարարական կապալի պայմանագիր կնքելու ուղղությամբ.
բ) «Որոտան-Արփա թունելի գլխամասային ջրընդունիչ կառուցվածքի վերականգնում» ենթաօբյեկտի վերականգնման աշխատանքներն ավարտելուց հետո դրանց արժեքն ավելացնել «Հիդրոտեխնիկական կառուցվածքներ Որոտան գետի վրա» օբյեկտի ընդհանուր հաշվեկշռային արժեքին, այն շահագործողին` Հայաստանի Հանրապետության կառավարությանն առընթեր ջրային տնտեսության պետական կոմիտեին հանձնելու համար:
5. Սույն որոշումն ուժի մեջ է մտնում 2001 թվականի սեպտեմբերի 18-ից:
Հայաստանի Հանրապետության վարչապետ Ա. Մարգարյան
Հավելված
ՀՀ կառավարության 2001 թվականի
սեպտեմբերի 18-ի N 871 որոշման
«Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքում եվ Հայաստանի Հանրապետության կառավարության 2001 թվականի հունվարի 30-ի N 68 որոշման մեջ կատարվող վերաբաշխումն ու փոփոխությունները
(հազ. դրամ)
Խումբը Ենթախումբը Բյուջետային ծախսերի գործառական դասակարգման խմբերի, ենթախմբերի, ֆինանսավորվող ծրագրերի և դրանք իրականացնող մարմինների անվանումը «ՀՀ 2001 թ. պետական բյուջեի մասին» ՀՀ օրենքի N 1 հավելվածի և
N 16 աղյուսակ ՀՀ կառավարության 2001 թ. հունվարի 30-ի N 68 որոշման
N 5 հավելված,
IV եռամսյակ
10 02 1. Արփա-Սևան թունելի շահագործում, տեխնիկական վիճակի բարելավում և նորոգում* - 59000.0 - 59000.0
ՀՀ կառավարությանն առընթեր ջրային տնտեսության պետական կոմիտե - 59000.0 - 59000.0
10 03 5. Բնապահպանական օբյեկտների շինարարություն (Հիդրոտեխնիկական կառուցվածքներ Որոտան գետի վրա)** 59000.0 59000.0
ՀՀ քաղաքաշինության նախարարություն 59000.0 59000.0
* Պակասեցումը կատարվել է բյուջետային ծախսերի գործառական դասակարգման «Կապիտալ նորոգումների ծախսեր» հոդվածով:
** Ավելացումը կատարվել է բյուջետային ծախսերի գործառական դասակարգման «Կապիտալ նորոգումների ծախսեր» հոդվածով:
Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան