ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2004 ԹՎԱԿԱՆԻ ՀՈՒՆԻՍԻ 30-Ի ՆՀ-114-Ն ՀՐԱՄԱՆԱԳՐՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության oրենքի 70-րդ հոդվածի 5-րդ մասը` որոշում եմ.
1. Հայաստանի Հանրապետության Նախագահի 2004 թվականի հունիսի 30-ի «Հայաստանի Հանրապետության պետական պահպանության ծառայության մասին» ՆՀ-114-Ն հրամանագրի 1-ին կետի`
1) «ա» ենթակետով հաստատված կանոնադրության`
ա. 14-րդ կետը շարադրել հետևյալ խմբագրությամբ՝
«14. Պահպանության ծառայության պետն ունի առաջին տեղակալ և տեղակալներ, որոնց պաշտոնն ազգային անվտանգության մարմիններում ծառայողների գլխավոր խմբի պաշտոն է:
Պահպանության ծառայության պետի առաջին տեղակալին պաշտոնի նշանակում և պաշտոնից ազատում է Հայաստանի Հանրապետության ազգային անվտանգության հանրապետական մարմնի ղեկավարը:
Պահպանության ծառայության պետի տեղակալներին պաշտոնի նշանակում և պաշտոնից ազատում է Հայաստանի Հանրապետության ազգային անվտանգության հանրապետական մարմնի ղեկավարը՝ պահպանության ծառայության պետի ներկայացմամբ:»,
բ. 19-րդ կետում «գիտությամբ`» բառից հետո լրացնել «նրան փոխարինում է պետի առաջին տեղակալը, իսկ վերջինիս բացակայության դեպքում`» բառերը.
2) «բ» ենթակետով հաստատված կառուցվածքը շարադրել նոր խմբագրությամբ` համաձայն հավելվածի (գաղտնի):
2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
Նախագահ Ս. Սարգսյան
2008 թ. հունիսի 16
Երևան
ՆՀ-159-Ն