ՀՀ ՎԱՐՉԱՊԵՏԻ ՈՐՈՇՈՒՄԸ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 հունիսի 2008 թվականի N 389-Ն

ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետը` երկրաշարժի հետևանքով անօթևան մնացած ընտանիքների բնակարանային ապահովման ծրագրերի մշակման և իրականացման նպատակով`

1. Ստեղծել միջգերատեսչական հանձնաժողով` համաձայն հավելվածի:

2. Առաջարկել Հայաստանի Հանրապետության կենտրոնական բանկի նախագահին մինչև 2008 թվականի սեպտեմբերի 1-ը սույն որոշման 1-ին կետով ստեղծված միջգերատեսչական հանձնաժողովի քննարկմանը ներկայացնել առաջարկություններ աղետի գոտու բնակավայրերում հիփոթեքային վարկերի միջոցով բնակարանային շինարարության ծրագրերի ֆինանսավորման մեխանիզմների վերաբերյալ:

3. Հայաստանի Հանրապետության քաղաքաշինության նախարարին` Հայաստանի Հանրապետության Շիրակի և Լոռու մարզպետների հետ համատեղ`

1) մինչև 2008 թվականի սեպտեմբերի 1-ը միջգերատեսչական հանձնաժողովի քննարկմանը ներկայացնել առաջարկություններ Գյումրի և Սպիտակ քաղաքներում բնակարանային շինարարության համար հողատարածքների հատկացման վերաբերյալ.

2) յուրաքանչյուր եռամսյակը մեկ անգամ միջգերատեսչական հանձնաժողովին ներկայացնել տեղեկատվություն աղետի գոտու բնակավայրերում երկրաշարժի հետևանքով անօթևան մնացած ընտանիքների բնակապահովման ծրագրերի իրականացման ընթացքի մասին:

Հայաստանի Հանրապետության

վարչապետ Տ. Սարգսյան

2008 թ. հունիսի 23

Երևան

Հավելված

ՀՀ վարչապետի 2008 թ.

հունիսի 23-ի N 389-Ն

որոշման

Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Տ. Սարգսյան - ՀՀ վարչապետ (հանձնաժողովի նախագահ)

Ա. Գևորգյան - ՀՀ փոխվարչապետ, ՀՀ տարածքային կառավարման նախարար

Տ. Դավթյան - ՀՀ ֆինանսների նախարար

Վ. Վարդանյան - ՀՀ քաղաքաշինության նախարար

Ն. Երիցյան - ՀՀ էկոնոմիկայի նախարար

Ա. Համբարձումյան - ՀՀ աշխատանքի և սոցիալական հարցերի նախարար

Ա. Ջավադյան - ՀՀ կենտրոնական բանկի նախագահ (համաձայնությամբ)

Մ. Վարդանյան - ՀՀ կառավարությանն առընթեր անշարժ գույքի կադաստրի

պետական կոմիտեի նախագահ

Լ. Նանյան - ՀՀ Շիրակի մարզպետ

Ա. Քոչարյան - ՀՀ Լոռու մարզպետ

Վ. Ղուկասյան - Գյումրու քաղաքապետ (համաձայնությամբ)

Հայաստանի Հանրապետության

կառավարության աշխատակազմի

ղեկավար Դ. Սարգսյան