ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ
12 սեպտեմբերի 2008 թ.
ք. Երևան N 735-Ա/Ք
Հ Ր Ա Մ Ա Ն
«Գիտելիքի աշխարհ» սահմանափակ պատասխանատվությամբ ընկերության միջնակարգ (լրիվ) ընդհանուր կրթական ծրագրով գործունեության լիցենզիայի գործողությունը դադարեցնելու ԵՎ ՀՀ կրթության ԵՎ գիտության նախարարության 2002 թ. օգոստոսի 20-ի N 360-Մ հրամանը ուժը կորցրած ճանաչելու մասին
Ղեկավարվելով «Լիցենզավորման մասին» ՀՀ օրենքի 37 հոդվածի 1-ին մասի 7-րդ կետով, «Իրավական ակտերի մասին» ՀՀ օրենքի 72 հոդվածի 1 մասի 1-ին կետի «ա» ենթակետով, հիմք ընդունելով «Գիտելիքի աշխարհ» սահմանափակ պատասխանատվությամբ ընկերության տնօրեն Ս. Արզումանյանի 2008 թ. սեպտեմբերի 1-ի դիմումը և ԿԳ նախարարության «Կրթական ծրագրերի իրականացման լիցենզավորող հանձնաժողովի» եզրակացությունը.
ՀՐԱՄԱՅՈՒՄ ԵՄ՝
1. Դադարեցնել «Գիտելիքի աշխարհ» սահմանափակ պատասխանատվությամբ ընկերության միջնակարգ (լրիվ) ընդհանուր կրթական ծրագրով գործունեության լիցենզիայի գործողությունը, ուժը կորցրած ճանաչել ՀՀ կրթության և գիտության նախարարության 2002 թ. օգոստոսի 20-ի N 360-Մ հրամանը և դրա հիմքով տրված թիվ 140 լիցենզիայի վկայականը:
2. Սույն հրամանի կատարման կազմակերպումը հանձնարարել նախարարության «Լիցենզավորման և հավատարմագրման ծառայություն» գործակալությանը (պետ Մ. Մակիչյան):
Նախարար` Ս. Սեյրանյան