ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ
Ո Ր Ո Շ ՈՒ Մ
18 հոկտեմբերի 1991 թվականի N 613
քաղ. Երևան
ՌԱԶՄԱՄԱՐԶԱԿԱՆ ԳԻՇԵՐՕԹԻԿ ՎԱՐԺԱՐԱՆ ՍՏԵՂԾԵԼՈՒ ՄԱՍԻՆ
Հաշվի առնելով Երևան քաղաքում ռազմամարզական գիշերօթիկ վարժարան ստեղծելու մասին Հայաստանի Հանրապետության լուսավորության նախարարության և Հայաստանի Հանրապետության ներքին գործերի նախարարության առաջարկությունը, Հայաստանի Հանրապետության Նախարարների խորհուրդը որոշում է`
Հայաստանի Հանրապետության լուսավորության նախարարությանը`
ա) լուծարել N 19 ՄՊՏՈՒ-ն և մարշալ Բաբաջանյանի անվան ռուսաց լեզվի, մարմնակրթության և ռազմական պատրաստության խորացված ուսուցմամբ գիշերօթիկ դպրոցը և դրանց բազայի վրա Երևան քաղաքում ստեղծել ռազմամարզական գիշերօթիկ վարժարան.
բ) լուծարված N 19 ՄՊՏՈՒ-ի սովորողներին և մանկավարժադաստիարակչական կոլեկտիվի անդամներին տեղավորել պրոֆիլին համապատասխան ուսումնարաններում.
գ) ազատված շենքը և տարածքը հաշվեկշռից հաշվեկշիռ հանձնել Հայաստանի Հանրապետության ներքին գործերի նախարարությանը.
դ) նորաստեղծ ռազմամարզական գիշերօթիկ վարժարանի սովորողների վրա տարածել հանրապետությունում գործող մարզական թեքումով գիշերօթիկ դպրոցներում կիրառվող սննդի նորմաները:
ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահԻ ՊԱՇՏՈՆԱԿԱՏԱՐ Հ. ԲԱԳՐԱՏՅԱՆ
ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ Հ. ՀԱԿՈԲՅԱՆ