ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՍԻՍԻԱՆԻ ՀՈՒՄԱՆԻՏԱՐ ՔՈԼԵՋ ՍՏԵՂԾԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հունվարի 1992 թվականի N 20

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՍԻՍԻԱՆԻ ՀՈՒՄԱՆԻՏԱՐ ՔՈԼԵՋ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Ընդունել Հայաստանի Հանրապետության բարձրագույն կրթության և գիտության նախարարության ու պատգամավորների Սիսիանի շրջանային խորհրդի գործկոմի առաջարկությունը և`

ա) Սիսիան քաղաքում ստեղծել Հայաստանի Հանրապետության բարձրագույն կրթության և գիտության նախարարության Սիսիանի հումանիտար քոլեջ:

Թույլատրել Սիսիանի հումանիտար քոլեջին ղեկավարվել Հայաստանի Հանրապետության բարձրագույն կրթության և գիտության նախարարության կողմից հաստատված ժամանակավոր կանոնադրությամբ.

բ) սահմանել, որ Սիսիանի հումանիտար քոլեջի ուսանողների ուսումնառությունը ըստ մասնագիտությունների ընդգրկվում է Հայաստանի Հանրապետության բարձրագույն ուսումնառության 1992 թվականի պետական պատվերների ցանկում և ֆինանսավորվում է պետական բյուջեից ըստ փաստացի ընդունելության թվաքանակի, բայց չգերազանցելով ծրագրով նախատեսվածը, համաձայն հավելվածի:

2. Հայաստանի Հանրապետության էկոնոմիկայի նախարարությանը և ֆինանսների նախարարությանը` հաշվի առնել սույն որոշումից բխող փոփոխությունները Հայաստանի Հանրապետության սոցիալ-տնտեսական զարգացման 1992 թվականի ծրագրի և բյուջեի նախագծերում:

ՀԱՅԱՍՏԱՆի հանրապետության փոխնախագահ, վարչապետ Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ Հ. ՀԱԿՈԲՅԱՆ