ՀՀ ՎԱՐՉԱՊԵՏԻ ՈՐՈՇՈՒՄԸ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 մայիսի 2009 թվականի N 425-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի և Համաշխարհային բանկի 2008-2011 թվականների երկրի գործընկերության ռազմավարության ներքո զարգացման քաղաքականության ծրագրի առաջնահերթ գործողությունների ապահովման նպատակով`

1. Համաշխարհային բանկի 2008-2011 թվականների երկրի գործընկերության ռազմավարության ներքո զարգացման քաղաքականության ծրագրի առաջնահերթ գործողություններով նախատեսված` համալսարանների նորարարական հիմնադրամի նպատակահարմարության ուսումնասիրության նպատակով ստեղծել միջգերատեսչական աշխատանքային խումբ` հետևյալ անհատական կազմով`

Ն. Երիցյան - ՀՀ էկոնոմիկայի նախարար (խմբի համաղեկավար)

Ա. Աշոտյան - ՀՀ կրթության և գիտության նախարար (խմբի համաղեկավար)

Վ. Դանիելյան - ՀՀ էկոնոմիկայի նախարարի տեղակալ

Ա. Ավետիսյան - ՀՀ կրթության և գիտության նախարարի տեղակալ

Վ. Կիրակոսյան - ՀՀ էկոնոմիկայի նախարարության բարձր և տեղեկատվական տեխնոլոգիաների վարչության պետ

Ն. Գևորգյան - ՀՀ կրթության և գիտության նախարարի խորհրդական

2. Խմբի ղեկավարներին` մեկամսյա ժամկետում Հայաստանի Հանրապետության կառավարության աշխատակազմ ներկայացնել համալսարանների նորարարական հիմնադրամի նպատակահարմարության ուսումնասիրության արդյունքները:

Հայաստանի Հանրապետության

վարչապետ Տ. Սարգսյան

2009 թ. մայիսի 25

Երևան