ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՀԱՄԱԿԱՐԳՈՒՄ ՀԱՏՈՒԿ ՊԱՐԵՏԱՄԱՍԵՐԸ ԼՈՒԾԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 փետրվարի 1994 թվականի N 71

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ՀԱՄԱԿԱՐԳՈՒՄ ՀԱՏՈՒԿ ՊԱՐԵՏԱՄԱՍԵՐԸ ԼՈՒԾԱՐԵԼՈՒ ՄԱՍԻՆ

Հաշվի առնելով Հայաստանի Հանրապետության ներքին գործերի նախարարության հատուկ պարետամասերում հաշվառման մեջ գտնվող պարտադիր կարգով աշխատանքի ներգրավումով պայմանականորեն ազատազրկման դատապարտված և ազատազրկման վայրերից պարտադիր կարգով աշխատանքի ներգրավումով պայմանականորեն ազատված անձանց հանրապետության շինարարական և տնտեսական կազմակերպությունների կողմից աշխատանքով ապահովելու և հատուկ պարետամասերի պահպանման ծախսերը կատարելու հարցում հնարավորությունների բացակայությունը, Հայաստանի Հանրապետության կառավարությունը որոշում է`

1. Ընդունել Հայաստանի Հանրապետության ներքին գործերի նախարարության առաջարկությունը Հայաստանի Հանրապետության ներքին գործերի նախարարության համակարգում հատուկ պարետամասերը լուծարելու վերաբերյալ:

Պարտադիր կարգով աշխատանքի ներգրավումով պայմանականորեն ազատազրկման դատապարտված և պարտադիր կարգով աշխատանքի ներգրավումով ազատազրկման վայրերից պայմանականորեն ազատված անձանց նկատմամբ հսկողությունն իրականացվում է Հայաստանի Հանրապետության ներքին գործերի նախարարության մարմինների կողմից` օրենքով սահմանված կարգով:

2. Հայաստանի Հանրապետության արդարադատության նախարարությանը` Հայաստանի Հանրապետության ներքին գործերի նախարարության հետ համատեղ, երկամսյա ժամկետում Հայաստանի Հանրապետության կառավարություն ներկայացնել առաջարկություններ Հայաստանի Հանրապետության քրեական օրենսգրքի 23.2 և 49.2 հոդվածներում, Հայաստանի Հանրապետության քրեական դատավարության օրենսգրքում և Հայաստանի Հանրապետության ուղղիչ-աշխատանքային օրենսգրքում համապատասխան փոփոխություններ և լրացումներ կատարելու մասին:

Հայաստանի Հանրապետության վարչապետ Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ Ա. ԽԱՉԱՏՐՅԱՆ