ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ԱԶԳԱՅԻՆ ՀԱՆՁՆԱԺՈՂՈՎ
5 նոյեմբերի 2009 թ N 2
.
Պ Ա Շ Տ Ո Ն Ա Կ Ա Ն Պ Ա Ր Զ Ա Բ Ա Ն ՈՒ Մ
«Հեռուստատեսության ԵՎ ռադիոյի մասին» Հայաստանի Հանրապետության օրենքի 3 հոդվածի վերաբերյալ
«Հեռուստատեսության և ռադիոյի մասին» ՀՀ օրենքի 3 հոդվածի 1-ին մասի համաձայն՝ հեռուստառադիոհեռարձակումը էլեկտրամագնիսական ալիքների միջոցով պատկերների և (կամ) հնչյունների կամ դրանց պայմանանշանների այնպիսի տարածումն է հաղորդագծով (ներառյալ՝ կաբելային /լարային/ կապով) կամ առանց հաղորդագծի (ներառյալ՝ ռադիոյով, հեռուստատեսությամբ կամ արբանյակային կապով եթեր հեռարձակումը), որ այդ պատկերները կամ հնչյունները ընկալելի լինեն հասարակությանը։ Հեռարձակում է համարվում նաև կոդավորված ազդանշանների տարածումը, եթե դրանց ապակոդավորման միջոցները հեռուստառադիոլսարանին տրամադրել է հեռարձակող կազմակերպությունը, կամ տրամադրվել է նրա համաձայնությամբ։ «Հեռուստատեսության և ոադիոյի մասին» ՀՀ օրենքի 47 հոդվածի համաձայն արտոնագիրը (լիցենզիան) միակ օրինական հիմքն է, որը թույլ է տալիս իրականացնել հեռուստառադիոհաղորդումների հեռարձակում։ «Հեռուստատեսության և ռադիոյի մասին» ՀՀ օրենքի 3 հոդվածի 7-րդ մասի համաձայն հեռուստառադիոընկերությունը (հեռուստաընկերությունը կամ ռադիոընկերությունը) այն իրավաբանական անձն է, որն արտոնագրի (լիցենզիայի) հիման վրա (բացառությամբ Հանրային հեռուստառադիոընկերության) հեռարձակում կամ վերահեռարձակում է զանգվածային տեղեկատվություն՝ օգտագործելով սեփականության, վարձակալական կամ անհատույց օգտագործման իրավունքով իրեն պատկանող հեռուստառադիոսարքավորումներ և պատասխանատվություն է կրում արտոնագրման (լիցենզավորման) պայմանների, սույն օրենքի և այլ իրավական նորմերի կատարման համար։ Հետևապես, հեռուստառադիոընկերությունը հեռուստառադիոհաղորդումների հեռարձակում իրականացնող կազմակերպություն է։ Ինչ վերաբերում է հեռարձակմանը և վերահեռարձակմանը, ապա վերահեռարձակումը ևս հեռարձակում է, ինչը հստակ բխում է «Հեռուստատեսության և ռադիոյի մասին» ՀՀ օրենքի 3 հոդվածի 1-ին մասից և 15-րդ մասում տրված վերահեռարձակման սահմանումից։
Ելնելով վերոգրյալից և ղեկավարվելով «Իրավական ակտերի մասին» ՀՀ օրենքի 87 հոդվածով՝ Հեռուստատեսության և ռադիոյի ազգային հանձնաժողովը պաշտոնապես պարզաբանում է.
Հայաստանի Հանրապետության տարածքում հեռուստառադիոհաղորդումների վերահեռարձակման համար միակ օրինական հիմքը հեռուստառադիոհաղորդումների հեռարձակման լիցենզիան է, բացառությամբ միջպետական պայմանագրերով նախատեսված դեպքերի։
Հեռուստատեսության և ռադիոյի
ազգային հանձնաժողովի նախագահ Գ. Ամալյան