«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
10 նոյեմբերի 1995 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 նոյեմբերի 1995 թվականի N 68
քաղ. Երևան
ԳՅՈՒՂԱՏՆՏԵՍԱԿԱՆ ԵՎ ԱՆՕԳՏԱԳՈՐԾԵԼԻ ՀՈՂԱՏԵՍՔԵՐԻ ԿԱԴԱՍՏՐԱՅԻՆ ԶՈՒՏ ԵԿԱՄՏԻ ՀԱՇՎԱՐԿՄԱՆ ՀԱՄԱՐ 1996 ԹՎԱԿԱՆԻՆ ԿԻՐԱՌՎԵԼԻՔ ԻՆԴԵՔՍԱՎՈՐՄԱՆ ԳՈՐԾԱԿՑԻ ՀԱՍՏԱՏՄԱՆ ՄԱՍԻՆ
Հայաստանի Հանրապետության կառավարությունը որոշում է`
1. Հաստատել գյուղատնտեսական և անօգտագործելի հողատեսքերի կադաստրային զուտ եկամտի հաշվարկման համար 1996 թվականին կիրառվելիք ինդեքսավորման գործակիցը` 1995 թվականի նկատմամբ 1,14:
2. Հայաստանի Հանրապետության գյուղատնտեսության և պարենի նախարարությանը` մեկուկեսամսյա ժամկետում հողային կադաստրում գյուղատնտեսական և անօգտագործելի հողատեսքերի համար կատարել համապատասխան վերահաշվարկ և այն ուղարկել Հայաստանի Հանրապետության համապատասխան նախարարություններին, Հայաստանի Հանրապետության հարկային տեսչությանը, գերատեսչություններին և պատգամավորների տեղական խորհուրդների գործադիր կոմիտեներին:
3. Սույն որոշումն ուժի մեջ է մտնում 1995 թվականի նոյեմբերի 10-ից:
Հայաստանի Հանրապետության վարչապետ Հ. ԲԱԳՐԱՏյան