«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
7 ՀՈԿՏԵՄԲԵՐԻ 1996 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
7 հոկտեմբերի 1996 թվականի N 328
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԻՐԱՎԱԲԱՆԱԿԱՆ ԿԱԴՐԵՐԻ ՈՐԱԿԱՎՈՐՄԱՆ ԲԱՐՁՐԱՑՄԱՆ ԻՆՍՏԻՏՈՒՏԻ ՎԵՐԱԿԱՌՈՒՑՄԱՆ ՄԱՍԻՆ
Իրավաբանական կադրերի որակավորման բարձրացման, հանրապետության տնտեսության տարբեր ճյուղերի և պետական կառավարման մարմինների մասնագետների իրավական պատրաստության հետագա բարելավման, տնտեսական բարեփոխումների իրավական ապահովման բնագավառում գիտական հետազոտությունների խորացման նպատակով, Հայաստանի Հանրապետության կառավարությունը որոշում է.
1. Ընդունել Հայաստանի Հանրապետության արդարադատության նախարարության առաջարկությունը` համաձայնեցված Հայաստանի Հանրապետության կրթության և գիտության նախարարության հետ, և Հայաստանի Հանրապետության արդարադատության նախարարության իրավաբանական կադրերի որակավորման բարձրացման ինստիտուտը վերակառուցել Հայաստանի Հանրապետության արդարադատության նախարարության իրավաբանական ինստիտուտի:
2. Հայաստանի Հանրապետության արդարադատության նախարարության իրավաբանական ինստիտուտի վերակառուցման միջոցառումներն իրականացվելու են կադրերի որակավորման բարձրացման նպատակով Հայաստանի Հանրապետության արդարադատության նախարարությանը հատկացված ֆինանսական միջոցների սահմաններում:
3. Հայաստանի Հանրապետության արդարադատության նախարարությանը` մեկամսյա ժամկետում Հայաստանի Հանրապետության վարչապետի հաստատմանը ներկայացնել Հայաստանի Հանրապետության արդարադատության նախարարության իրավաբանական ինստիտուտի կանոնադրությունը:
4. Սույն որոշումն ուժի մեջ է մտնում 1996 թվականի հոկտեմբերի 7-ից:
Հայաստանի Հանրապետության վարչապետ Հ. ԲԱԳՐԱՏյան