«Վավերացնում եմ»
Հայաստանի Հանրապետության
Նախագահ Լ. ՏԵՐ-ՊԵՏՐՈՍՅԱՆ
10 նոյեմբերի 1997 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 նոյեմբերի 1997 թ. N 502
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1995 ԹՎԱԿԱՆԻ ՀՈՒՆՎԱՐԻ 31-Ի N 47 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1995 թվականի հունվարի 31-ի «Պետական ձեռնարկությունների` բաց բաժնետիրական ընկերությունների ձևով սեփականաշնորհման գործընթացը կանոնակարգելու մասին» N 47 որոշման մեջ կատարել հետևյալ փոփոխություններն ու լրացումը`
ա) որոշման 2-րդ կետում և որոշմամբ հաստատված կանոնակարգի 4-րդ կետում «ՀՀ պետական ձեռնարկությունների և անավարտ շինարարության օբյեկտների սեփականաշնորհման և ապապետականացման միջգերատեսչական պետական հանձնաժողովին» և «ՀՀ պետական ձեռնարկությունների և անավարտ շինարարության օբյեկտների սեփականաշնորհման և ապապետականացման միջգերատեսչական պետական հանձնաժողովը (այսուհետև` պետական հանձնաժողով)» բառերը համապատասխանաբար փոխարինել «Հայաստանի Հանրապետության սեփականաշնորհման և ապապետականացման հարցերով զբաղվող լիազորված պետական կառավարման մարմնին» և «Հայաստանի Հանրապետության սեփականաշնորհման և ապապետականացման հարցերով զբաղվող լիազորված պետական կառավարման մարմինը (այսուհետև` լիազորված պետական կառավարման մարմին)» բառերով.
բ) կանոնակարգի 10-րդ և 12-րդ կետերում «պետական հանձնաժողովի», իսկ 30-րդ կետում «պետական հանձնաժողովին» բառերը համապատասխանաբար փոխարինել «լիազորված պետական կառավարման մարմնի» և «լիազորված պետական կառավարման մարմնին» բառերով.
գ) կանոնակարգը 28-րդ կետից հետո լրացնել հետևյալ բովանդակությամբ նոր 29-րդ կետով.
«29. Վարչությունը Հայաստանի Հանրապետության օրենսդրությամբ սահմանված կարգով բաժնետերերի ռեեստրի վարումն ապահովելու նպատակով ընկերության բաժնետերերի առաջին ժողովում ընկերությանն է հանձնում բաժնետերերի կնքված անվանացանկը` յուրաքանչյուրին պատկանող բաժնետոմսերի քանակի նշումով, որի բոլոր էջերն ստորագրում են հանձնաժողովի նախագահը և հանձնաժողովի քարտուղարը:
Այն դեպքում, երբ ընկերության բաժնետերերի թիվը 50 և ավելի է, վարչությունն ընկերության հետ սեփականաշնորհման պայմանագիրը կնքում է ընկերության արժեթղթերի սեփականատերերի ռեեստրը կենտրոնացված կարգով մասնագիտացված կազմակերպության վարմանը հանձնելուց և ռեեստրի վարման համապատասխան պայմանագիր ունենալուց հետո միայն»:
Այս կապակցությամբ կանոնակարգի 29-րդ և 30-րդ կետերը համապատասխանաբար համարել 30-րդ և 31-րդ կետեր.
դ) կանոնակարգի 31-րդ կետում «21» թիվը փոխարինել «23» թվով:
2. Սույն որոշումն ուժի մեջ է մտնում 1997 թվականի նոյեմբերի 10-ից:
Հայաստանի Հանրապետության վարչապետ Ռ. ՔՈՉԱՐՅԱՆ