ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ-ՈՒՄ 1998 ԹՎԱԿԱՆԻ ԲԵՐՔԻՑ ՀԱՑԱՀԱՏԻԿԻ ԳՆՈՒՄՆԵՐ ԿԱԶՄԱԿԵՐՊԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

25 օգոստոսի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 օգոստոսի 1998 թվականի N 519

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 1998 ԹՎԱԿԱՆԻ ԲԵՐՔԻՑ ՀԱՑԱՀԱՏԻԿԻ ԳՆՈՒՄՆԵՐ ԿԱԶՄԱԿԵՐՊԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետությունում արտադրվող հացահատիկի գնումների գործընթացը խթանելու նպատակով Հայաստանի Հանրապետության կառավարությունը որոշում է.

1. Ի փոփոխումն Հայաստանի Հանրապետության կառավարության 1998 թվականի մարտի 25-ի «Ամերիկայի Միացյալ Նահանգների կառավարության և Հայաստանի Հանրապետության կառավարության միջև ստորագրված գյուղատնտեսական ապրանքների վաճառքի վերաբերյալ համաձայնագրին համապատասխան Հայաստանի Հանրապետություն ներկրված պարենային ցորենի օգտագործման և դրա իրացումից գոյացող միջոցների տնօրինման կարգի մասին» N 202 որոշման 1-ին կետի «ա» ենթակետի` թույլատրել Հայաստանի Հանրապետության գյուղատնտեսության նախարարության «Հայհացահատիկ» գործակալություն» պետական փակ բաժնետիրական ընկերությանը Ամերիկայի Միացյալ Նահանգներից ներկրվող 90780 տոննան պարենային ցորենից 5,0 հազ. տոննա հատկացնել «Երևանի ալրաղաց գործարան» պետական փակ բաժնետիրական ընկերությանը` մեկ տոննան 200,0 ԱՄՆ-ի դոլարին համարժեք դրամով, և պարտավորեցնել նրան գնել հանրապետությունում արտադրված համապատասխան քանակով հացահատիկ:

2. «Երևանի ալրաղաց գործարան» պետական փակ բաժնետիրական ընկերության կողմից ցորենի իրացումից գոյացած միջոցները Հայաստանի Հանրապետության կենտրոնական բանկում Հայաստանի Հանրապետության ֆինանսների և էկոնոմիկայի նախարարության հատուկ հաշվին փոխանցելու ժամկետ սահմանել մինչև 1998 թվականի հոկտեմբերի 15-ը:

3. Հայաստանի Հանրապետության ֆինանսների և էկոնոմիկայի նախարարությանը` 10-օրյա ժամկետում «Երևանի ալրաղաց գործարան» պետական փակ բաժնետիրական ընկերության հետ կնքել համապատասխան պայմանագիր:

4. Հայաստանի Հանրապետության գյուղատնտեսության նախարարությանը` ցորենի վերամշակումից և իրացումից գոյացած հասույթների հաշվին գնել հանրապետությունում արտադրված համապատասխան քանակով հացահատիկ ու դրա իրացումից գոյացած միջոցները փոխանցել Հայաստանի Հանրապետության կենտրոնական բանկում Հայաստանի Հանրապետության ֆինանսների և էկոնոմիկայի նախարարության հատուկ հաշվին:

5. Սույն որոշումն ուժի մեջ է մտնում 1998 թվականի օգոստոսի 25-ից:

Հայաստանի Հանրապետության

վարչապետ Ա. Դարբինյան