ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
16 նոյեմբերի 2011 թվականի N 1075-Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Ղեկավարվելով Հայաստանի Հանրապետության նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով հաստատված կարգի 121-րդ կետի 2-րդ ենթակետի պահանջներով՝
1. Պետական հանրակրթական դպրոցների կողմից զբաղեցված տարածքների արդյունավետ օգտագործման նպատակով ստեղծել պետական հանրակրթական դպրոցների բեռնվածության ուսումնասիրություն իրականացնող միջգերատեսչական հանձնաժողով (այսուհետ` հանձնաժողով) և հաստատել դրա անհատական կազմը` համաձայն հավելվածի:
2. Պետական հանրակրթական դպրոցների կառավարման լիազորությունն իրականացնող մարմիններին՝ սույն որոշումն ուժի մեջ մտնելուց հետո եռամսյա ժամկետում` հաշվարկել Հայաստանի Հանրապետության կառավարության 2007 թվականի դեկտեմբերի 13-ի «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնվող, ինչպես նաև պետական ոչ առևտրային կազմակերպություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները հաստատելու և Հայաստանի Հանրապետության կառավարության 2001 թվականի հունիսի 14-ի N 532 և մայիսի 3-ի N 379 որոշումներն ուժը կորցրած ճանաչելու մասին» N 1490-Ն որոշմամբ սահմանված նորմատիվներով պետական հանրակրթական դպրոցներին հասանելիք տարածքների չափերը և մակերեսների վերաբերյալ ամփոփ տեղեկատվությունը ներկայացնել հանձնաժողովին:
3. Հանձնաժողովին՝ սույն որոշման 2-րդ կետում նշված տեղեկատվությունն ստանալուց հետո հնգամսյա ժամկետում` ուսումնասիրել (անհրաժեշտության դեպքում ճշգրտել) ստացված տեղեկատվությունը և ուսումնասիրության արդյունքները ներկայացնել Հայաստանի Հանրապետության վարչապետին:
4. Հայաստանի Հանրապետության մարզպետներին՝ աջակցել հանձնաժողովի աշխատանքներին:
Հայաստանի Հանրապետության
վարչապետ Տ. Սարգսյան
2011 թ. նոյեմբերի 16
Երևան
Հավելված
ՀՀ վարչապետի 2011 թ.
նոյեմբերի 16-ի N 1075-Ա
որոշման
Ա Ն Հ Ա Տ Ա Կ Ա Ն Կ Ա Զ Մ
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Հ. Լպուտյան - ՀՀ կառավարությանն առընթեր պետական գույքի
կառավարման վարչության աշխատակազմի
ղեկավարի տեղակալ (միջգերատեսչական
հանձնաժողովի նախագահ)
Ս. Ավետիսյան - ՀՀ կառավարությանն առընթեր պետական գույքի
կառավարման վարչության աշխատակազմի
հաշվապահական հաշվառման և
ֆինանսատնտեսական վարչության գույքի
տնօրինման բաժնի պետ
Ռ. Արշակյան - ՀՀ կառավարությանն առընթեր պետական գույքի
կառավարման վարչության աշխատակազմի
հաշվապահական հաշվառման և
ֆինանսատնտեսական վարչության վճարումների
հաշվառման բաժնի գլխավոր մասնագետ
Ա. Սահակյան - ՀՀ կառավարությանն առընթեր պետական գույքի
կառավարման վարչության աշխատակազմի
հաշվապահական հաշվառման և
ֆինանսատնտեսական վարչության գույքի
տնօրինման բաժնի առաջին կարգի մասնագետ
Հ. Դանիելյան - ՀՀ տարածքային կառավարման նախարարության
աշխատակազմի տարածքային կառավարման և
զարգացման վարչության տարածքային զարգացման
ծրագրերի բաժնի գլխավոր մասնագետ
Ա. Խաչատրյան - ՀՀ կրթության և գիտության նախարարության
աշխատակազմի քարտուղարության
տնտեսավարման և սպասարկման բաժնի պետ
Մ. Կարախանյան - ՀՀ կրթության և գիտության նախարարության
աշխատակազմի քարտուղարության
տնտեսավարման և սպասարկման բաժնի
գլխավոր մասնագետ
Վ. Միսակյան - ՀՀ կրթության և գիտության նախարարության
աշխատակազմի հանրակրթության վարչության
նախադպրոցական և միջնակարգ կրթության
քաղաքականության մշակման և վերլուծության
բաժնի գլխավոր մասնագետ
Ն. Բաղդասարյան - ՀՀ ազգային վիճակագրական ծառայության
աշխատակազմի սոցիալական ոլորտի և
բնապահպանության վիճակագրության
բաժնի պետ
Գ. Սողոմոնյան - Երևանի քաղաքապետարանի աշխատակազմի
հանրակրթության վարչության պետ
(համաձայնությամբ)
Ա. Մելքոնյան - Երևանի քաղաքապետարանի աշխատակազմի
հանրակրթության վարչության դպրոցական
բաժնի պետ (համաձայնությամբ)
Պ. Պետրոսյան - Երևանի քաղաքապետարանի «Հողի և ունեցվածքի
գործառնություններ» ՓԲԸ-ի առաջին կարգի
մասնագետ (համաձայնությամբ)
Լ. Էլարյան - ՀՀ կառավարությանն առընթեր պետական գույքի
կառավարման վարչության պետական գույքի
կառավարման քաղաքականության վարչության
մեթոդաբանության բաժնի գլխավոր մասնագետ
(միջգերատեսչական հանձնաժողովի քարտուղար)
Հայաստանի Հանրապետության
կառավարության աշխատակազմի
ղեկավար
Դ. Սարգսյան