ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
15 դեկտեմբերի 2011 թվականի N 1762-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՄԱՅԻՍԻ 31-Ի N 730-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2007 թվականի մայիսի 31-ի «Ծերերի և հաշմանդամների խնամքի և սոցիալական սպասարկման նվազագույն չափորոշիչները հաստատելու մասին» N 730-Ն որոշման մեջ կատարել հետևյալ փոփոխությունները`
1) որոշման N 5 հավելվածում`
ա. 1-ին կետի 4-րդ ենթակետը շարադրել հետևյալ խմբագրությամբ.
«4) «Դ» ենթախումբ` հիմնականում կարիք ունի սոցիալ-հոգեբանական օգնության»,
բ. 4-րդ կետի 2-րդ ենթակետը շարադրել հետևյալ խմբագրությամբ.
«2) բժշկական օգնություն և սպասարկում, որը ներառում է բժշկի այցելություն` ոչ պակաս, քան ամիսը մեկ անգամ` հաստատված ժամանակացույցի համաձայն և ըստ անհրաժեշտության, ինչպես նաև բուժքրոջ այցելություն ամիսը մեկ անգամ և բժշկի ցուցումով` ըստ անհրաժեշտության.»,
գ. 4-րդ կետի 3-րդ ենթակետը շարադրել հետևյալ խմբագրությամբ.
«3) սոցիալ-հոգեբանական օգնություն, որը ներառում է հոգեբանի այցելություն ըստ ներկայացված հայտի և սոցիալական աշխատողի այցելություն ոչ պակաս, քան ամիսը մեկ անգամ և ըստ անհրաժեշտության»,
դ. 6-րդ կետի 2-րդ ենթակետը շարադրել հետևյալ խմբագրությամբ.
«2) բժշկական օգնություն և սպասարկում, որը ներառում է բժշկի այցելություն` ոչ պակաս, քան ամիսը մեկ անգամ` հաստատված ժամանակացույցի համաձայն և ըստ անհրաժեշտության, ինչպես նաև բուժքրոջ այցելություն ամիսը մեկ անգամ և բժշկի ցուցումով` ըստ անհրաժեշտության»,
ե. 6-րդ կետի 3-րդ ենթակետը շարադրել հետևյալ խմբագրությամբ.
«3) սոցիալ-հոգեբանական օգնություն, որը ներառում է հոգեբանի այցելություն ըստ ներկայացված հայտի և սոցիալական աշխատողի այցելություն ոչ պակաս, քան ամիսը մեկ անգամ և ըստ անհրաժեշտության»,
զ. 8-րդ կետի 2-րդ ենթակետը շարադրել հետևյալ խմբագրությամբ.
«2) բժշկական օգնություն և սպասարկում, որը ներառում է բժշկի այցելություն` ոչ պակաս, քան ամիսը մեկ անգամ` հաստատված ժամանակացույցի համաձայն և ըստ անհրաժեշտության, ինչպես նաև բուժքրոջ այցելություն ամիսը մեկ անգամ` բժշկի ցուցումով և ըստ անհրաժեշտության»,
է. 8-րդ կետի 3-րդ ենթակետը շարադրել հետևյալ խմբագրությամբ.
«3) սոցիալ-հոգեբանական օգնություն, որը ներառում է հոգեբանի այցելություն ըստ ներկայացված հայտի և սոցիալական աշխատողի այցելություն ոչ պակաս, քան ամիսը մեկ անգամ և ըստ անհրաժեշտության»,
ը. 10-րդ կետի 1-ին ենթակետը շարադրել հետևյալ խմբագրությամբ.
«1) բժշկական օգնություն և սպասարկում, որը ներառում է կանխարգելման նպատակով բժշկի այցելություն, ոչ պակաս, քան ամիսը մեկ անգամ` հաստատված ժամանակացույցի համաձայն և ըստ անհրաժեշտության, ինչպես նաև բուժքրոջ այցելություն ամիսը մեկ անգամ` բժշկի ցուցումով ըստ անհրաժեշտության»,
թ) 10-րդ կետի 2-րդ ենթակետը շարադրել հետևյալ խմբագրությամբ.
«2) սոցիալ-հոգեբանական օգնություն, որը ներառում է հոգեբանի այցելություն ամիսը մեկ անգամ և ըստ անհրաժեշտության, սոցիալական աշխատողի այցելություն ամիսը մեկ անգամ և ըստ անհրաժեշտության».
2) որոշման N 8 հավելվածը շարադրել հետևյալ խմբագրությամբ.
«Հավելված N 8
ՀՀ կառավարության 2007 թվականի
մայիսի 31-ի N 730-Ն որոշման
Ն Վ Ա Զ Ա Գ ՈՒ Յ Ն Չ Ա Փ Ո Ր Ո Շ Ի Չ Ն Ե Ր
ՏՆԱՅԻՆ ՊԱՅՄԱՆՆԵՐՈՒՄ ԾԵՐ ԵՎ ՀԱՇՄԱՆԴԱՄ ՔԱՂԱՔԱՑԻՆԵՐԻ ՍՈՑԻԱԼԱԿԱՆ ՍՊԱՍԱՐԿՄԱՆ ԿԵՆՏՐՈՆԻ ԲԺՇԿԱՍՈՑԻԱԼԱԿԱՆ ՍՊԱՍԱՐԿՄԱՆ ԱՆՁՆԱԿԱԶՄԻ
« NN
ը/կ Պաշտոնի անվանումը Հաստիքային միավորը Հաստիքային միավորի սահմանման չափանիշը` ըստ հաճախորդների թվի
1. Սոցիալական աշխատող 1 յուրաքանչյուր 120 հաճախորդի հաշվարկով
2. Հոգեբան 1 յուրաքանչյուր 200 հաճախորդի հաշվարկով
3. Իրավախորհրդատու 1 յուրաքանչյուր 700 հաճախորդի հաշվարկով
4. Բժիշկ 1 յուրաքանչյուր 150 հաճախորդի հաշվարկով
5. Բուժքույր 1 յուրաքանչյուր 120 հաճախորդի հաշվարկով
6. Սոցիալական սպասարկող 1 յուրաքանչյուր 15 հաճախորդի հաշվարկով
7. Խմբավար 1 յուրաքանչյուր 120 հաճախորդի հաշվարկով կամ մեկ աշխատախմբի հաշվարկով
».
3) որոշման N 9 հավելվածը շարադրել հետևյալ խմբագրությամբ.
«Հավելված N 9
ՀՀ կառավարության 2007 թվականի
մայիսի 31-ի N 730-Ն որոշման
Ն Վ Ա Զ Ա Գ ՈՒ Յ Ն Չ Ա Փ Ո Ր Ո Շ Ի Չ Ն Ե Ր
ՍՈՑԻԱԼ-ՎԵՐԱԿԱՆԳՆՈՂԱԿԱՆ ՑԵՐԵԿԱՅԻՆ ԿԵՆՏՐՈՆԻ ԲԺՇԿԱՍՈՑԻԱԼԱԿԱՆ ՍՊԱՍԱՐԿՄԱՆ ԱՆՁՆԱԿԱԶՄԻ
« NN
ը/կ Պաշտոնի անվանումը Հաստիքային միավորը Հաստիքային միավորի սահմանման չափանիշը` ըստ հաճախորդների թվի
1. Սոցիալական աշխատող 1 յուրաքանչյուր 50 հաճախորդի հաշվարկով
2. Հոգեբան 1 յուրաքանչյուր 100 հաճախորդի հաշվարկով
3. Բժիշկ (թերապևտ) 1 յուրաքանչյուր 200 հաճախորդի հաշվարկով
4. Բուժքույր 1 յուրաքանչյուր 50 հաճախորդի հաշվարկով
5. Խմբավար 1 յուրաքանչյուր 50 հաճախորդի հաշվարկով
6. Էրգոթերապևտ կամ արտթերապևտ 1 յուրաքանչյուր 50 հաճախորդի հաշվարկով
»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
վարչապետ Տ. Սարգսյան
2011 թ. դեկտեմբերի 19
Երևան