ՀՀ ՎԱՐՉԱՊԵՏԻ ՈՐՈՇՈՒՄԸ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

6 մարտի 2012 թվականի N 200-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի՝

1. Օդային փոխադրումների ծառայությունների մատչելիության խնդիրների ուսումնասիրման նպատակով ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին` մինչև սույն թվականի մարտի 13-ը Հայաստանի Հանրապետության վարչապետին ներկայացնել առաջարկություններ սույն որոշման 1-ին կետում նշված խնդիրների կարգավորման վերաբերյալ:

Հայաստանի Հանրապետության

վարչապետ Տ. Սարգսյան

2012 թ. մարտի 6

Երևան

Հավելված

ՀՀ վարչապետի 2012 թ.

մարտի 6-ի N 200-Ա

որոշման

Ա Ն Հ Ա Տ Ա Կ Ա Ն Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ա. Մովսեսյան - ՀՀ կառավարությանն առընթեր քաղաքացիական ավիացիայի գլխավոր վարչության պետ (աշխատանքային խմբի ղեկավար)

Ա. Գևորգյան - ՀՀ ֆինանսների նախարարության աշխատակազմի իրավաբանական վարչության բաժնի պետ

Դ. Հովհաննիսյան - ՀՀ տնտեսական մրցակցության պաշտպանության պետական հանձնաժողովի անդամ (համաձայնությամբ)

Է. Սարգսյան - ՀՀ կենտրոնական բանկի ֆինանսական դիտարկումների կենտրոնի վերլուծությունների բաժնի պետ (համաձայնությամբ)

Ն. Բելլույան - «Արմավիա» ՍՊԸ-ի գործադիր տնօրեն (համաձայնությամբ)

Ա. Ազնավուրյան - «Արմավիա» ՍՊԸ-ի գլխավոր տնօրեն (համաձայնությամբ)

Մարսելո Վենդե - «Արմենիա» միջազգային օդանավակայաններ» ՓԲԸ-ի գլխավոր մենեջեր (համաձայնությամբ)

Ա. Շխյան - «Արմենիա» միջազգային օդանավակայաններ» ՓԲԸ-ի գլխավոր մենեջերի տեղակալ (համաձայնությամբ)

(Հավելվածը փոփ. 24.05.12 N 460-Ա)

Հայաստանի Հանրապետության

կառավարության աշխատակազմի

ղեկավար Դ. Սարգսյան