«Վավերացնում եմ»
Հայաստանի Հանրապետության
Նախագահ Ռ. Քոչարյան
14 հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
14 հոկտեմբերի 2000 թվականի N 652
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՄԱՐՏԻ 27-Ի N 209 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային մեթոդով գնահատման կարգի մասին» N 209 որոշման մեջ (Հայաստանի Հանրապետության կառավարության 1998 թվականի սեպտեմբերի 19-ի N 590 որոշման խմբագրությամբ) կատարել հետևյալ լրացումը`
որոշմամբ հաստատված մասնավորեցվող պետական գույքի հաշվեկշռային մեթոդով գնահատման կարգի 5-րդ կետի տասներկուերորդ պարբերությունը «հիվանդանոցների» բառից հետո լրացնել «և այլ հիվանդանոցային բժշկական օգնություն իրականացնողների, այդ թվում` կենտրոնների, ծննդատների, դիսպանսերների, առողջարանների, ինչպես նաև արտահիվանդանոցային բժշկական օգնություն իրականացնողների, այդ թվում` պոլիկլինիկաների (ներառյալ` ստոմատոլոգիական), կանանց կոնսուլտացիաների, դիսպանսերների, գյուղական բժշկական առողջության կենտրոնների, գյուղական բժշկական ամբուլատորիաների (ներառյալ վերջիններիս բուժակամանկաբարձական կետերը), շտապ բժշկական օգնության կայանների» բառերով:
2. Սույն որոշումն ուժի մեջ է մտնում 2000 թվականի հոկտեմբերի 14-ից:
Հայաստանի Հանրապետության
վարչապետ Ա. Մարգարյան