ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 հուլիսի 2013 թվականի N 706-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ԴԵԿՏԵՄԲԵՐԻ 20-Ի N 1616-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ԳՆՈՒՄՆԵՐԻ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ
Հայաստանի Հանրապետության կառավարության 2011 թվականի փետրվարի 10-ի N 168-Ն որոշմամբ հաստատված կարգի 32-րդ կետի 5-րդ ենթակետի «բ» պարբերությանը համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2012 թվականի դեկտեմբերի 20-ի «Հայաստանի Հանրապետության 2013 թվականի պետական բյուջեի կատարումն ապահովող միջոցառումների մասին» N 1616-Ն որոշման N 12 հավելվածում կատարել փոփոխություն` համաձայն հավելվածի:
2. Սահմանել, որ Հայաստանի Հանրապետության քաղաքաշինության նախարարությունը Հայաստանի Հանրապետության Վայոց ձորի մարզի Ելփին գյուղի դպրոցի, Հայաստանի Հանրապետության Արարատի մարզի Վարդաշեն գյուղի դպրոցի կառուցման աշխատանքների և Հայաստանի Հանրապետության Շիրակի մարզի Մարալիկ քաղաքի 9 կիսակառույց բազմաբնակարան շենքի ավարտման աշխատանքների տեխնիկական հսկողության ծառայությունների գնումների գործընթացն իրականացնելու է բանակցային ընթացակարգի կիրառման միջոցով` առանց գնումների մասին հայտարարությունը նախապես հրապարակելու` «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված ընթացակարգով:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Տ. Սարգսյան
2013 թ. հուլիսի 11
Երևան
Հավելված
ՀՀ կառավարության 2013 թվականի
հուլիսի 4-ի N 706-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ԴԵԿՏԵՄԲԵՐԻ 20-Ի N 1616-Ն ՈՐՈՇՄԱՆ N 12 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆԸ
Անվանումը Գնման ձևը Չափի միավորը Ցուցանիշների փոփոխությունը (ավելացումները նշված են դրական նշանով, իսկ նվազեցումները` փակագծերում)
քանակը գումարը
(հազ. դրամ)
ՀՀ քաղաքաշինության նախարարություն -
Բաժին N 09 Խումբ N 06 Դաս N 01 Կրթությանը տրամադրվող
օժանդակ ծառայություններ -
1. Կրթական օբյեկտների հիմնանորոգում -
ՄԱՍ III. ԱՇԽԱՏԱՆՔՆԵՐ -
Բնակելի և ոչ բնակելի շենքերի հիմնական նորոգում ԲԸ դրամ (305.0)
ՀՀ Վայոց ձորի մարզի գ. Ելփինի դպրոցի կառուցման աշխատանքների տեխնիկական հսկողության ծառայություն ԲԸԱՀ դրամ 1 305.0
2. Կրթական օբյեկտների շինարարություն -
ՄԱՍ III. ԱՇԽԱՏԱՆՔՆԵՐ -
Բնակելի, հասարակական և արտադրական շենքերի շինարարություն ԲԸ դրամ (953.0)
ՀՀ Արարատի մարզի գ. Վարդաշենի դպրոցի կառուցման աշխատանքների տեխնիկական հսկողության ծառայություն ԲԸԱՀ դրամ 1 953.0
Բաժին N 10 Խումբ N 06 Դաս N 01 Բնակարանային ապահովում -
1. Երկրաշարժի հետևանքով անօթևան մնացած ընտանիքների
համար բնակարանային շինարարություն
-
ՄԱՍ III. ԱՇԽԱՏԱՆՔՆԵՐ -
Բնակելի, հասարակական և արտադրական շենքերի շինարարություն ԲԸ դրամ (3,500.0)
ՀՀ Շիրակի մարզի ք. Մարալիկի 9 կիսակառույց բազմաբնակարան շենքի ավարտման աշխատանքների տեխնիկական հսկողության ծառայություն ԲԸԱՀ դրամ 1 3,500.0
Հայաստանի Հանրապետության
կառավարության աշխատակազմի
ղեկավար
Վ. Գաբրիելյան