ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
13 մարտի 2014 թվականի N 273-Ն
ՓՈՐՁԱՔՆՆՈՒԹՅՈՒՆՆԵՐԻ ԿԱՏԱՐՄԱՆ ԾԱՌԱՅՈՒԹՅՈՒՆՆԵՐԻ ՁԵՌՔԲԵՐՄԱՆ ԳԾՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆ ԿՈՂՄԻՑ 2014 ԹՎԱԿԱՆԻՆ ԻՐԱԿԱՆԱՑՎՈՂ ՊԵՏԱԿԱՆ ՊԱՏՎԵՐԻ ՄԱՍԻՆ
Հայաստանի Հանրապետության կառավարության 2013 թվականի դեկտեմբերի 19-ի N 1414-Ն որոշման 17-րդ կետին համապատասխան` Հայաստանի Հանրապետության կառավարությունը որոշում է.
1. Սահմանել`
1) որ «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 01 բաժնի 06 խմբի 01 դասի «02. Փորձաքննությունների ծառայություններ» ծրագրով Հայաստանի Հանրապետության դատախազությանը հատկացված միջոցների հաշվին դատական փորձաքննությունների կատարման ծառայությունները ձեռք են բերվում Հայաստանի Հանրապետության գիտությունների ազգային ակադեմիայի «Փորձաքննությունների ազգային բյուրո» պետական ոչ առևտրային կազմակերպությունում ստացված Հայաստանի Հանրապետության դատարանների կամ քրեական հետապնդման մարմնի` համապատասխան փորձաքննություն նշանակելու մասին որոշումների հիման վրա.
2) փորձագիտական աշխատանքի մեկ ժամվա նախահաշվային արժեքը` 2014 թվականի համար` 458 դրամ.
3) փորձաքննությունների կատարման ծառայությունների միավորի նախահաշվային արժեքը և ձեռքբերման ենթակա քանակն ըստ փորձաքննությունների տեսակների` համաձայն հավելվածի.
4) որ 2014 թվականի ընթացքում Հայաստանի Հանրապետության դատախազությունը տվյալ ծրագրին հատկացումների ընդհանուր գումարի սահմաններում իրավասու է փոփոխելու սույն որոշման հավելվածով սահմանված փորձաքննությունների կատարման ծառայությունների ձեռքբերման ենթակա քանակն ըստ փորձաքննությունների առանձին տեսակների, եթե Հայաստանի Հանրապետության դատարանների կամ քրեական հետապնդման մարմինների կողմից ըստ այդ տեսակների նշանակված փորձաքննությունների փաստացի քանակը չի համապատասխանում հավելվածով նախատեսվածին:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2014 թվականի հունվարի 1-ից հետո ծագած հարաբերությունների վրա:
Հայաստանի Հանրապետության
վարչապետ Տ. Սարգսյան
2014 թ. մարտի 20
Երևան
Հավելված
ՀՀ կառավարության 2014 թվականի
մարտի 13-ի N 273-Ն որոշման
ՓՈՐՁԱՔՆՆՈՒԹՅՈՒՆՆԵՐԻ ԿԱՏԱՐՄԱՆ ԾԱՌԱՅՈՒԹՅՈՒՆՆԵՐԻ ՄԻԱՎՈՐԻ ՆԱԽԱՀԱՇՎԱՅԻՆ ԱՐԺԵՔԸ ԵՎ ՁԵՌՔԲԵՐՄԱՆ ԵՆԹԱԿԱ ՔԱՆԱԿՆ ԸՍՏ ՓՈՐՁԱՔՆՆՈՒԹՅՈՒՆՆԵՐԻ ՏԵՍԱԿՆԵՐԻ
NN
ը/կ Փորձաքննության տեսակի անվանումը Միավորի
նախահաշվային
արժեքը
(դրամ) Քանակը
(հատ) Ընդամենը
նախահաշվային
արժեքը
(հազ. դրամ)
1. Ձեռագրաբանական 20610 624 12860.6
2. Փաստաթղթաբանական 27480 882 24237.4
3. Հեղինակային 20610 6 123.7
4. Ֆոտոտեխնիկական 41220 16 659.5
5. Դիմանկարային 41220 22 906.8
6. Տեսաձայնագրառման և աուդիոձայնագրառման 54960 140 7694.4
7 Հետքաբանական 20610 450 9274.5
8. Ձգաբանական 27480 100 2748.0
9. Պայթյունատեխնիկական 41220 62 2555.6
10. Նյութագիտական 27480 1216 33415.7
11. Սննդային 27480 82 2253.4
12. Կենսաբանական (հողագիտական) 27480 128 3517.4
13. Հրդեհատեխնիկական 41220 124 5111.3
14. Շինարարատեխնիկական 27480 142 3902.2
15. ՃՏՊ-ի հանգամանքների 13740 100 1374.0
16. ՏՄ-ի տեխնիկական վիճակի 41220 16 659.5
17. Տրանսպորտային հետքաբանական 41220 16 659.5
18. Տնտեսագիտական 82440 619 50783.0
19. Ապրանքագիտական 13740 539 7405.9
20. Համակարգչատեխնիկական 68700 392 26930.4
21. Մշակութային արժեքների 54960 70 3847.2
22. Հոգեբանական 70074 122 8549.0
23. Դատաբժշկական 56792 210 11925.3
24. Դատաքիմիական
(տոքսիկոլոգիական) 9618 2425 23323.7
25. Դատագենետիկական
(ԴՆԹ նույնականացման) 119080 3 357.2
26. Օդորոլոգիական/այդ թվում
մարդու կողմից թողնված հոտային
հետքերի 27480 5 137.4
27. Ճարտարագիտատեխնիկական 68700 92 6320.4
28. Լինգվիստական 70074 10 700.7
29. Դատաէկոլոգիական 27480 6 164.9
Ընդամենը 8616 252398.7
Հայաստանի Հանրապետության
կառավարության աշխատակազմի
ղեկավար-նախարար
Վ. Գաբրիելյան