ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 հունիսի 2014 թվականի N 570-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԱՊՐԻԼԻ 28-Ի N 517-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2011 թվականի ապրիլի 28-ի «Սևանա լճի վերականգնման, պահպանման և զարգացման հիմնադրամ ստեղծելու մասին» N 517-Ն որոշման N 2 հավելվածը շարադրել նոր խմբագրությամբ՝ համաձայն հավելվածի։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Հ. Աբրահամյան
2014 թ. հունիսի 6
Երևան
Հավելված
ՀՀ կառավարության 2014 թվականի
հունիսի 4-ի N 570-Ն որոշման
«Հավելված N 2
ՀՀ կառավարության 2011 թվականի
ապրիլի 28-ի N 517-Ն որոշման
Կ Ա Զ Մ
ՍԵՎԱՆԱ ԼՃԻ ՎԵՐԱԿԱՆԳՆՄԱՆ, ՊԱՀՊԱՆՄԱՆ ԵՎ ԶԱՐԳԱՑՄԱՆ ՀԻՄՆԱԴՐԱՄԻ ՀՈԳԱԲԱՐՁՈՒՆԵՐԻ ԽՈՐՀՐԴԻ
Հ. Աբրահամյան - ՀՀ վարչապետ
Ա. Գևորգյան - ՀՀ փոխվարչապետ, ՀՀ տարածքային կառավարման նախարար
Ա. Գրիգորյան - ՀՀ բնապահպանության նախարար
Ա. Երիցյան - ՀՀ արտակարգ իրավիճակների նախարար
Ս. Կարապետյան - ՀՀ գյուղատնտեսության նախարար
Հ. Հակոբյան - ՀՀ սփյուռքի նախարար
Կ. Ճշմարիտյան - ՀՀ էկոնոմիկայի նախարար
Ա. Մուրադյան - ՀՀ առողջապահության նախարար
Հ. Պողոսյան - ՀՀ մշակույթի նախարար
Հ. Հակոբյան - ՀՀ Ազգային ժողովի պատգամավոր (համաձայնությամբ)
Խ. Հարությունյան - ՀՀ Ազգային ժողովի պատգամավոր (համաձայնությամբ)
Ռ. Գրիգորյան - ՀՀ Գեղարքունիքի մարզպետ
Ռ. Մարտիրոսյան - ՀՀ գիտությունների ազգային ակադեմիայի նախագահ (համաձայնությամբ)
Վ. Մովսիսյան - ՀՀ Նախագահին առընթեր Սևանա լճի հիմնահարցերի հանձնաժողովի նախագահ (համաձայնությամբ)
Ս. Համբարձումյան - ՀՀ գիտությունների ազգային ակադեմիայի ակադեմիկոս (համաձայնությամբ)
Զ. Բալայան - գրող, հրապարակախոս (համաձայնությամբ)
Կ. Դանիելյան - Հանուն կայուն մարդկային զարգացման ասոցիացիայի նախագահ (համաձայնությամբ)»։
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան