ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
12 փետրվարի 2015 թվականի N 96-Ա
ԵՎՐՈՊԱԿԱՆ ՄԻՈՒԹՅԱՆ «ՀՈՐԻԶՈՆ 2020» ԾՐԱԳՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԴԱՄԱԿՑՈՒԹՅԱՆ ՀԱՐՑԵՐԸ ՔՆՆԱՐԿԵԼՈՒ ԵՎ ԲԱՆԱԿՑՈՒԹՅՈՒՆՆԵՐԻՆ ՄԱՍՆԱԿՑԵԼՈՒ ՆՊԱՏԱԿՈՎ ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետը և նպատակ ունենալով գիտության, հետազոտությունների և նորարարության բնագավառներում խթանել Հայաստանի Հանրապետության համագործակցությունը Եվրոպական միության հետ՝
1. Ստեղծել միջգերատեսչական աշխատանքային խումբ` Եվրոպական միության «Հորիզոն 2020» ծրագրին Հայաստանի Հանրապետության անդամակցության հարցերը քննարկելու և բանակցություններին մասնակցելու նպատակով` համաձայն հավելվածի:
2. Սահմանել, որ «Հորիզոն 2020» ծրագրին միանալու գործընթացում ներպետական ընթացակարգերին առնչվող աշխատանքներն իրականացնում է Հայաստանի Հանրապետության կրթության և գիտության նախարարության գիտության պետական կոմիտեն, Եվրոպական միության հետ տարվող աշխատանքների մասով` Հայաստանի Հանրապետության արտաքին գործերի նախարարության համակարգմամբ:
Հայաստանի Հանրապետության
վարչապետ Հ. Աբրահամյան
2015 թ. փետրվարի 12
Երևան
Հավելված
ՀՀ վարչապետի 2015 թ.
փետրվարի 12-ի N 96-Ա
որոշման
Կ Ա Զ Մ
ԵՎՐՈՊԱԿԱՆ ՄԻՈՒԹՅԱՆ «ՀՈՐԻԶՈՆ 2020» ԾՐԱԳՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԴԱՄԱԿՑՈՒԹՅԱՆ ՀԱՐՑԵՐԸ ՔՆՆԱՐԿԵԼՈՒ ԵՎ ԲԱՆԱԿՑՈՒԹՅՈՒՆՆԵՐԻՆ ՄԱՍՆԱԿՑԵԼՈՒ ՆՊԱՏԱԿՈՎ ՁԵՎԱՎՈՐՎԱԾ ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ
Կ.Նազարյան -ՀՀ արտաքին գործերի նախարարի տեղակալ (աշխատանքային խմբի համաղեկավար)
Ս. Հարությունյան - ՀՀ կրթության և գիտության նախարարության գիտության պետական կոմիտեի նախագահ (աշխատանքային խմբի համաղեկավար)
Կ. Հարությունյան - ՀՀ կրթության և գիտության նախարարի տեղակալ
Յու. Շուքուրյան --ՀՀ գիտությունների ազգային ակադեմիայի փոխնախագահ (համաձայնությամբ)
Կ. Խուդավերդյան - ՀՀ արտաքին գործերի նախարարության աշխատակազմի Եվրոպայի վարչության խորհրդական
Վ. Սահակյան - ՀՀ կրթության և գիտության նախարարության գիտության պետական կոմիտեի աշխատակազմի գիտական քաղաքականության վարչության պետ
Ա. Մելկիկյան - ՀՀ ֆինանսների նախարարության աշխատակազմի միջազգային համագործակցության վարչության պետ
Ն.Նիկողոսյան - ՀՀ էկոնոմիկայի նախարարության աշխատակազմի տեղեկատվական տեխնոլոգիաների և ինովացիոն քաղաքականության վարչության պետ
Ա. Արամյան - ՀՀ էկոնոմիկայի նախարարության աշխատակազմի Եվրամիության հետ համագործակցության վարչության Եվրամիության բաժնի պետ
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան