«Գրանցված է»
ՀՀ արդարադատության
նախարարության կողմից
2 փետրվարի 2015 թ.
Պետական գրանցման թիվ 05015020
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
16 դեկտեմբերի 2014 թ. թիվ 358-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՀՈՒՆՎԱՐԻ 15-Ի ԹԻՎ 17-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Նպատակ ունենալով հստակեցնել կարգավորվող շուկայի օպերատորի կողմից Կենտրոնական բանկ կանոնադրությունների փոփոխությունների ներկայացման գործընթացը,
հիմք ընդունելով «Արժեթղթերի շուկայի մասին» Հայաստանի Հանրապետության օրենքի 221 հոդվածի 1-ին մասի 1-ին ենթակետը,
ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2008 թվականի հունվարի 15-ի ««Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ը հաստատելու մասին» թիվ 17-Ն որոշմամբ հաստատված «Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ում (այսուհետ` Կանոնակարգ կամ Կանոնակարգ 5/01) կատարել հետևյալ լրացումները և փոփոխությունները.
1) Կանոնակարգ 5/01-ի 6-րդ կետը «Կենտրոնական բանկ է ներկայացվում» բառերից առաջ լրացնել «, ինչպես նաև կանոնները (դրանցում փոփոխություն(ներ)ը և (կամ) լրացում(ներ)ը)» բառերով,
2) Կանոնակարգ 5/01-ի 61-րդ կետի 2-րդ ենթակետը «կատարված փոփոխությունները» բառերից հետո լրացնել «(փոփոխություն(ներ)ը և (կամ) լրացում(ներ)ը) կամ նոր խմբագրությամբ կանոնադրությունը» բառերով,
3) Կանոնակարգ 5/01-ի 62-րդ կետի 3-րդ ենթակետում «փոփոխված կանոնադրություն» բառերը փոխարինել «կանոնադրության փոփոխված դրույթները (փոփոխություն(ներ)ը և (կամ) լրացում(ներ)ը) կամ նոր խմբագրությամբ կանոնադրությունը» բառերով,
4) Կանոնակարգ 5/01-ի 63-րդ կետի 2-րդ ենթակետը «համապատասխանությունը» բառից հետո լրացնել «և Կենտրոնական բանկ կներկայացվեն տարածքի և տեխնիկական հագեցվածության համապատասխանությունը հիմնավորող փաստաթղթերը» բառերով,
5) Կանոնակարգ 5/01-ի Հավելված 5-ի 6.3-րդ և 8.1-րդ կետերի վերջին սյունակում լրացնել «Բնակության վայրը» բառերը,
6) Կանոնակարգ 5/01-ի Հավելված 16-ը և Հավելված 17-ը շարադրել նոր խմբագրությամբ՝ համաձայն սույն որոշման, համապատասխանաբար Հավելված 1-ի և Հավելված 2-ի:
2. Սույն որոշումն ուժի մեջ է պաշտոնական հրապարակման օրվան հաջորդող տասներորդ օրը:
ՀՀ կենտրոնական
բանկի նախագահ Ա. Ջավադյան
2014 թ. դեկտեմբերի 20
Երևան
Հավելված 1
«Հավելված 16
«Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ի
Օպերատորի կանոնադրության տիտղոսաթերթ
ՀԱՍՏԱՏՎԱԾ Է
-------------------------------------
(ընկերության, իրավասու մարմնի անվանումը բանկում)
--/--/ ----թ. թիվ -------- որոշմամբ
-------------------------------------
(իրավասու անձի պաշտոնը)
---------------------------------
(անուն, ազգանուն, ստորագրություն) ԳՐԱՆՑՎԱԾ Է
ՀՀ կենտրոնական բանկում
ՀՀ կենտրոնական բանկի նախագահ`
__________________________
( ստորագրություն)
ԿԱՆՈՆԱԴՐՈՒԹՅՈՒՆ
_______________________________________________________________
Ընկերության լրիվ անվանումը
»:
Հավելված 2
«Հավելված 17
«Կարգավորվող շուկայի օպերատորի գրանցումն ու լիցենզավորումը, կարգավորվող շուկայի օպերատորի կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, գործարար ծրագրի ներկայացման կարգը, ձևը և ժամկետները» Կանոնակարգ 5/01-ի
Օպերատորի կանոնադրության փոփոխության տիտղոսաթերթ
ՀԱՍՏԱՏՎԱԾ Է
-------------------------------------
(ընկերության, իրավասու մարմնի անվանումը)
--/--/ ----թ. թիվ -------- որոշմամբ
Փոփոխված է -------------------- --/--/---- թիվ -- որոշմամբ
(իրավասու մարմնի անվանումը)
_____________________________
(իրավասու անձի պաշտոնը)
_________________________________
(անուն, ազգանուն, ստորագրություն) ԳՐԱՆՑՎԱԾ Է
ՀՀ կենտրոնական բանկում
ՀՀ կենտրոնական բանկի նախագահ`
__________________________
( ստորագրություն)
ԿԱՆՈՆԱԴՐՈՒԹՅՈՒՆ
_______________________________________________________________
Ընկերության լրիվ անվանումը
(փոփոխություն(ներ)/լրացում(ներ)/նոր խմբագրություն)
»: