ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2001 ԹՎԱԿԱՆԻ ՀՈՒԼԻՍԻ 20-Ի ՆՀ-896 ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի համաձայն և Տեղեկատվական տեխնոլոգիաների զարգացմանն աջակցող խորհրդի աշխատանքների արդյունավետությունն ապահովելու նպատակով որոշում եմ.
1. Հայաստանի Հանրապետության Նախագահի 2001 թվականի հուլիսի 20-ի «Տեղեկատվական տեխնոլոգիաների զարգացմանն աջակցող խորհուրդ ստեղծելու մասին» ՆՀ-896 հրամանագրի (այսուհետ՝ հրամանագիր) 1-ին կետով հաստատված 1-ին հավելվածում կատարել հետևյալ փոփոխությունները՝
1) «Զարգացման հայկական գործակալություն» ՓԲԸ-ի գործադիր տնօրեն» բառերը փոխարինել «Ձեռնարկությունների ինկուբատոր» հիմնադրամի տնօրեն» բառերով.
2) «Զարգացման հայկական գործակալություն» ՓԲԸ-ի տեղեկատվական տեխնոլոգիաների զարգացման հարցերի քարտուղարության պետ» բառերը փոխարինել «Ձեռնարկությունների ինկուբատոր» հիմնադրամի ներկայացուցիչ» բառերով:
2. Հրամանագրի 1-ին կետով հաստատված 2-րդ հավելվածից հանել «Ձեռնարկությունների ինկուբատոր» հիմնադրամի տնօրեն» բառերը:
3. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
Նախագահ Ս. Սարգսյան
2015 թ. մարտի 16
Երևան
ՆՀ-240-Ն