ՀՀ ՎԱՐՉԱՊԵՏԻ ՈՐՈՇՈՒՄԸ ՍՈՒՐԵՆ ՊԵՏՐՈՍՅԱՆԻՆ ՄՈՍԿՎԱ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

31 մարտի 2015 թվականի N 233-Ա

ՍՈՒՐԵՆ ՊԵՏՐՈՍՅԱՆԻՆ ՄՈՍԿՎԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության տրանսպորտի և կապի նախարարության աշխատակազմի կապի և տեղեկատվայնացման վարչության պետի ժամանակավոր պաշտոնակատար Սուրեն Պետրոսյանին 2015 թվականի մարտի 31-ից ապրիլի 2-ը գործուղել Մոսկվա (Ռուսաստանի Դաշնություն)՝ Կապի տարածաշրջանային համագործակցության շրջանակներում «Տեղեկատվայնացման, տեղեկատվական անվտանգության և ԱՊՀ անդամ-պետությունների ծառայությունների և ապրանքների ազգային շուկաների խթանման նպատակով տեղեկատվական ու մարկետինգային կենտրոնների միջպետական ցանցի զարգացմանն ուղղված» կապի տարածաշրջանային համագործակցության հանձնաժողովների համատեղ 32/19/4-րդ և «Սկոլկովո» փորձագիտական խորհրդի առաջին կազմակերպչական նիստերին մասնակցելու համար:

2. Սուրեն Պետրոսյանի՝ Մոսկվա գործուղման հետ կապված ծախսերը կատարել Հայաստանի Հանրապետության 2015 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության տրանսպորտի և կապի նախարարին` ապահովել գործուղումից վերադառնալուց հետո եռօրյա ժամկետում Սուրեն Պետրոսյանի՝ Մոսկվա գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ և Հայաստանի Հանրապետության արտաքին գործերի նախարարություն ներկայացնելը:

Հայաստանի Հանրապետության

վարչապետ Հ. Աբրահամյան

2015 թ. մարտի 31

Երևան