«Վավերացնում եմ»
Հայաստանի Հանրապետության
Նախագահ Ռ. Քոչարյան
22 հուլիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
11 հուլիսի 2002 թվականի N 999-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՄԱՅԻՍԻ 16-Ի N 432 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի մայիսի 16-ի «Հայաստանի Հանրապետության Լոռու մարզի առողջապահության համակարգի օպտիմալացման ծրագիրը հաստատելու մասին» N 432 որոշման մեջ կատարել հետևյալ փոփոխությունները՝
որոշմամբ հաստատված ծրագրի «Սպասվելիք իրավիճակ» բաժնի՝
ա) «ք. Վանաձոր» ենթաբաժնի 6-րդ և 7-րդ կետերը շարադրել հետևյալ խմբագրությամբ.
«6. Վանաձորի մանկական ստոմատոլոգիական պոլիկլինիկան տեղափոխել Վանաձորի կենտրոնական ստոմատոլոգիական պոլիկլինիկայի շենք՝ թողնելով առանձին իրավաբանական անձի կարգավիճակով:
7. Վանաձորի N 2 ստոմատոլոգիական պոլիկլինիկան տեղափոխել Վանաձորի կենտրոնական ստոմատոլոգիական պոլիկլինիկայի շենք՝ թողնելով առանձին իրավաբանական անձի կարգավիճակով».
բ) նշված բաժնի աղյուսակում՝
«N 2 ստոմատոլոգիական պոլիկլինիկա» տողի 3-րդ սյունակում «ներկայացնել մասնավորեցման» բառերը փոխարինել «տեղափոխել Վանաձորի կենտրոնական ստոմատոլոգիական պոլիկլինիկայի շենք՝ թողնելով առանձին իրավաբանական անձի կարգավիճակով» բառերով.
«Մանկական ստոմատոլոգիական պոլիկլինիկա» տողի 3-րդ սյունակում «տեղափոխել Կարագյոզյանի ֆոնդի մանկական պոլիկլինիկա» բառերը փոխարինել «տեղափոխել Վանաձորի կենտրոնական ստոմատոլոգիական պոլիկլինիկայի շենք՝ թողնելով առանձին իրավաբանական անձի կարգավիճակով» բառերով.
«Շամլուղի ԲԱ (Բենդիկի ԲՄԿ)» տողի 3-րդ սյունակում «թողնել նույն կարգավիճակով՝ ընտանեկան բժշկի գրասենյակ բացելու ակնկալիքով» բառերը փոխարինել «միաձուլել Ախթալայի ԱԿ-ին՝ մեկ իրավաբանական անձի կարգավիճակով» բառերով.
գ) «Վանաձոր քաղաքի հիվանդանոցային ծառայություն» ենթաբաժնի 2-րդ կետը շարադրել հետևյալ խմբագրությամբ.
«2. «Վանաձորի N 2 հիվանդանոց» պետական փակ բաժնետիրական ընկերությունը կգործի որպես փակ բաժնետիրական ընկերություն»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ա. Մարգարյան
2002 թ. հուլիսի 15
Երևան