ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԼՈՌՈՒ ՄԱՐԶԻ ՃՈՃԿԱՆԻ ԳՅՈՒՂԱԿԱՆ ՀԱՄԱՅՆՔԻ ՀՈՂԵՐԻՑ ՏԱՎՈՒՇԻ ՄԱՐԶԻ ԱՅՐՈՒՄԻ ԳՅՈՒՂԱԿԱՆ ՀԱՄԱՅՆՔԻՆ ՀԱՏԿԱՑՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

5 սեպտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 օգոստոսի 2002 թվականի N 1339-Ն

ԼՈՌՈՒ ՄԱՐԶԻ ՃՈՃԿԱՆԻ ԳՅՈՒՂԱԿԱՆ ՀԱՄԱՅՆՔԻ ՀՈՂԵՐԻՑ ՏԱՎՈՒՇԻ ՄԱՐԶԻ ԱՅՐՈՒՄԻ ԳՅՈՒՂԱԿԱՆ ՀԱՄԱՅՆՔԻՆ ՀԱՏԿԱՑՆԵԼՈՒ ՄԱՍԻՆ

Հաշվի առնելով այն հանգամանքը, որ Լոռու մարզի Ճոճկանի գյուղական համայնքի վարչական սահմաններում գտնվող «Այրում» երկաթգծի կայարանի և դրան կից բանավանի տարածքն իր աշխարհագրական դիրքով, ինչպես նաև բոլոր հաղորդակցուղիներով կապված է Տավուշի մարզի Այրումի գյուղական համայնքի հետ, Հայաստանի Հանրապետության կառավարությունը որոշում է.

1. Լոռու մարզի Ճոճկանի գյուղական համայնքի վարչական սահմաններում գտնվող «Այրում» երկաթգծի կայարանի և դրան կից բանավանի տարածքի հողերից 20,0 հեկտարը, որից՝ 10,5 հեկտար բնակավայրի կատեգորիայի հող, 9,5 հեկտար էներգետիկայի, տրանսպորտի, կապի և կոմունալ ենթակառուցվածքների օբյեկտների կատեգորիայի հող, հետ վերցնել և հատկացնել Տավուշի մարզի Այրումի գյուղական համայնքին։

2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին՝ Լոռու մարզի Ճոճկանի և Տավուշի մարզի Այրումի գյուղական համայնքների վարչական սահմանների նկարագրման աշխատանքներն իրականացնելիս հիմք ընդունել սույն որոշմամբ կատարված փոփոխությունը։

Հայաստանի Հանրապետության

վարչապետ Ա. Մարգարյան

2002 թ. օգոստոսի 30

Երևան