Հոդված 6. Ադմինիստրացիայի և հիփոթեքային կառավարչի նշանակումը

Հոդված 6. Ադմինիստրացիայի և հիփոթեքային կառավարչի նշանակումը

(վերնագիրը խմբ. 26.05.08 ՀՕ-102-Ն)

1. Կենտրոնական բանկն իրավասու է նշանակել ադմինիստրացիա (միանձնյա կամ կոլեգիալ և հիփոթեքային կառավարիչ)` սույն օրենքի 2-րդ հոդվածով նախատեսված հիմքերից որևէ մեկի առկայության դեպքում:

2. Ադմինիստրացիայի ղեկավար նշանակելու մասին Կենտրոնական բանկի խորհրդի որոշումն ուժի մեջ է մտնում ընդունման պահից և երկօրյա ժամկետում ենթակա է հրապարակման` մամուլով և (կամ) զանգվածային լրատվության այլ միջոցներով: Ադմինիստրացիա նշանակելու մասին որոշմամբ Կենտրոնական բանկի խորհուրդը կարող է միաժամանակ հաստատել նաև սույն օրենքի 19-րդ հոդվածով սահմանված` բանկի ֆինանսական առողջացման ծրագիրը: (նախադասությունը հանվել է 27.04.04 ՀՕ-64-Ն):

3. Հիփոթեքային կառավարչի նշանակման և ազատման կարգը սահմանվում է «Ապահովված հիփոթեքային պարտատոմսերի մասին» Հայաստանի Հանրապետության օրենքով:

(6-րդ հոդվածը խմբ., փոփ. 27.04.04 ՀՕ-64-Ն, խմբ., փոփ., լրաց. 26.05.08 ՀՕ-102-Ն)