Հոդված 4
Հոդված 4.
Օրենքի 19-րդ հոդվածի 1-ին մասում`
1) «ա» կետի «անհետաձգելի» բառից հետո հանել ստորակետը.
2) «գ» կետի «տեղյակ պահել» բառերը փոխարինել «ապահովել» բառով, և նույն կետը «մասին» բառից հետո լրացնել «տեղեկատվության տրամադրումը» բառերով.
3) «է» կետը շարադրել հետևյալ խմբագրությամբ.
«է) ապահովել հոգատար և հարգալից վերաբերմունք պացիենտների նկատմամբ:».
4) լրացնել հետևյալ բովանդակությամբ «ը», «թ», «ժ», «ժա» կետերով.
«ը) ունենալ պաշտոնական ինտերնետային կայք, որն առնվազն պետք է պարունակի տեղեկատվություն ծառայությունների, գնացուցակի, բուժանձնակազմի վերաբերյալ, ինչպես նաև ապահովի հետադարձ կապի հնարավորություն մասնագիտական ծառայություններ մատուցողների հետ.
թ) ՇՄԶ հավաստագիր չունեցող անձին, բացառությամբ առաջին անգամ մասնագիտական գործունեություն իրականացնող՝ համապատասխան մասնագիտական կրթություն, որակավորում և մասնագիտացում ունեցող անձի, չթույլատրել իրականացնել իր մասնագիտական գործունեությամբ պայմանավորված աշխատանքային պարտականությունները, իսկ վերապահումով հավաստագիր ունեցող անձին չթույլատրել ինքնուրույնաբար իրականացնել իր մասնագիտական գործունեությամբ պայմանավորված աշխատանքային պարտականությունները.
ժ) ապահովել գործունեության ընթացակարգով, պացիենտի վարման գործելակարգերով սահմանված պահանջների կատարման աշխատանքները.
ժա) Հայաստանի Հանրապետության առողջապահության բնագավառում պետական կառավարման լիազոր մարմնի հաստատած օրինակելի ձևին համապատասխան հաստատել գործունեության ընթացակարգը:»: