ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 նոյեմբերի 2015 թվականի N 1380-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.
1. Գյուղատնտեսության զարգացման միջազգային հիմնադրամի և Հայաստանի Հանրապետության միջև 2008 թվականի հունվարի 8-ին ստորագրված «Շուկայավարման հնարավորություններ ֆերմերներին» N 730-AM վարկային ծրագրի շրջանակներում վարկային միջոցների հաշվին կատարված, Գյուղատնտեսության զարգացման միջազգային հիմնադրամի կողմից ընդունելի ծախս չհամարված գումարի վերադարձման նպատակով Հայաստանի Հանրապետության կառավարության աշխատակազմին 2015 թվականին հատկացնել 173,558.0 ԱՄՆ-ի դոլարին համարժեք դրամ` Հայաստանի Հանրապետության 2015 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ծախսեր» հոդվածով):
2. Հայաստանի Հանրապետության կառավարության 2014 թվականի դեկտեմբերի 18-ի «Հայաստանի Հանրապետության 2015 թվականի պետական բյուջեի կատարումն ապահովող միջոցառումների մասին» N 1515-Ն որոշման N 11 հավելվածի NN 11.3 և 12 աղյուսակներում կատարել փոփոխություններ և լրացումներ` համաձայն հավելվածի:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Հ. Աբրահամյան
2015 թ. նոյեմբերի 26
Երևան
Հավելված
ՀՀ կառավարության 2015 թվականի
նոյեմբերի 19-ի N 1380-Ն որոշման
Աղյուսակ N 1
Հայաստանի Հանրապետության կառավարության 2014 թվականի դեկտեմբերի 18-ի N 1515-Ն որոշման N 11 հավելվածի N 11.3 աղյուսակում կատարվող փոփոխություններԸ ԵՎ լրացումներԸ
Չափորոշիչներ Ցուցանիշների փոփոխությունը
(ավելացումները նշված են դրական նշանով)
ոչ ֆինանսական ցուցանիշներ ֆինանսական ցուցանիշներ
տարի տարի
ՄԱՍ Բ: Կառավարչական հիմնարկի անմիջական գործունեության արդյունքները
1. Անմիջականորեն մատուցվող ծառայությունների արդյունքային ցուցանիշները
Ծրագրային դասիչը Անվանումը
Գյուղատնտեսության զարգացման միջազգային հիմնադրամի աջակցությամբ իրականացվող «Շուկայավարման հնարավորություններ ֆերմերներին» վարկային ծրագիր
Նկարագրությունը
Գյուղատնտեսության զարգացման միջազգային հիմնադրամի կողմից ընդունելի ծախս չհամարված գումարի վերադարձման
1134 ԱԾ05
Քանակական
Որակական
Ժամկետայնության
Մատուցվող ծառայության վրա կատարվող ծախսը (հազ. դրամ) X 86,779.0
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը
1134 Շուկայավարման հնարավորություններ ֆերմերներին
Վերջնական արդյունքի նկարագրությունը
Գյուղական տարածքներում տնտեսական ակտիվության բարելավում
Ծառայություն մատուցողի (մատուցողների) անվանումը (անվանումները)
ՀՀ կառավարության աշխատակազմի «Գյուղական տարածքների տնտեսական զարգացման ԾԻԳ» ՊՀ
Աղյուսակ N 2
Հայաստանի Հանրապետության կառավարության 2014 թվականի դեկտեմբերի 18-ի N 1515-Ն որոշման N 11 հավելվածի N 12 աղյուսակում (Հայաստանի Հանրապետության կառավարության աշխատակազմի մասով) կատարվող փոփոխություններԸ ԵՎ լրացումներԸ
Բաժին 2.
Գերատեսչության կողմից իրականացվող քաղաքականության միջոցառումների ծրագրային խմբավորումը
Ծրագրային դասիչը Գործառական դասիչը Ծրագիրը/քաղաքականության միջոցառումը Ցուցանիշների փոփոխությունը
(ավելացումները նշված են դրական նշանով)
ՀՀ 2015 թ. պետական բյուջե
ծրագիրը միջոցառումը (բաժինը/խումբը/դասը) (հազ. դրամ)
1134 ԾՐԱԳԻՐ 86,779.0
Գյուղական կարողությունների ստեղծման ծրագիր
Ծրագրի նկարագրությունը
Գյուղատնտեսության զարգացման միջազգային հիմնադրամի աջակցությամբ իրականացվող` Գյուղական կարողությունների ստեղծման ծրագրի իրագործում
Վերջնական արդյունքի նկարագրությունը
Գյուղական տարածքներում տնտեսական ակտիվության բարելավում
Քաղաքականության միջոցառումներ. Ծառայություններ
ԱԾ05 Գյուղատնտեսության զարգացման միջազգային հիմնադրամի աջակցությամբ իրականացվող «Շուկայավարման հնարավորություններ ֆերմերներին» վարկային ծրագիր 86,779.0
Մատուցվող ծառայության նկարագրությունը
Գյուղատնտեսության զարգացման միջազգային հիմնադրամի կողմից ընդունելի ծախս չհամարված գումարի վերադարձման
Ծառայություն մատուցողի անվանումը
ՀՀ կառավարության աշխատակազմի «Գյուղական տարածքների տնտեսական զարգացման ԾԻԳ» ՊՀ
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան