«Գրանցված է»
ՀՀ արդարադատության
նախարարության կողմից
2 դեկտեմբերի 2015 թ.
Պետական գրանցման թիվ 60015475
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
25 նոյեմբերի 2015 թ.
ք. Երևան N 388-Ն
Ո Ր Ո Շ ՈՒ Մ
«ՀԱՅՌՈՒՍԿՈԳԵՆԵՐԱՑԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ՍՊԱՌՈՂՆԵՐԻՆ ՎԱՃԱՌՎՈՂ ՋԵՐՄԱՅԻՆ ԷՆԵՐԳԻԱՅԻ ՍԱԿԱԳՆԵՐԻ ՍԱՀՄԱՆՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2013 ԹՎԱԿԱՆԻ ՀՈՒՆԻՍԻ 26-Ի N 224-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի «ա» կետը, 21-րդ հոդվածը, «Իրավական ակտերի մասին» Հայաստանի Հանրապետության օրենքի 72-րդ հոդվածի 1-ին մասի 1-ին կետի «բ» ենթակետը և հաշվի առնելով «ՀԱՅՌՈՒՍԿՈԳԵՆԵՐԱՑԻԱ» փակ բաժնետիրական ընկերության կողմից 2015 թվականի նոյեմբերի 9-ին Հայաստանի Հանրապետության հանրային ծառայությունները կարգավորող հանձնաժողով ներկայացված ջերմային էներգիայի սակագների վերանայման հայտը` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Սահմանել «ՀԱՅՌՈՒՍԿՈԳԵՆԵՐԱՑԻԱ» փակ բաժնետիրական ընկերության էլեկտրական և ջերմային էներգիայի համակցված արտադրության «Ինքնավար ջերմային էլեկտրակայան-1 (ԻՋԷԿ-1)» կայանից Երևան քաղաքի Ավան վարչական շրջանի Հովհաննիսյան, Վարուժանի, Իսահակյան, Քուչակի, Նարեկացու, Թումանյան թաղամասերի սպառողներին՝
1) միադրույք սակագնային համակարգում՝
ա. ջեռուցման նպատակով վաճառվող ջերմային էներգիայի սակագինը՝ 21.667 դրամ/կՎտժ՝ առանց ավելացված արժեքի հարկի և 26.0 դրամ/կՎտժ՝ ներառյալ ավելացված արժեքի հարկը,
բ. տաք ջրի մատակարարման ծառայության մատուցման սակագինը` 1263.5 դրամ` մատակարարված յուրաքանչյուր խորանարդ մետր տաք ջրի դիմաց՝ առանց ավելացված արժեքի հարկի և 1516.2 դրամ` ներառյալ ավելացված արժեքի հարկը,
2) երկդրույք սակագնային համակարգում՝
ա. ջեռուցման նպատակով վաճառվող ջերմային էներգիայի դրույքը՝ 17.333 դրամ/կՎտժ՝ առանց ավելացված արժեքի հարկի և 20.8 դրամ/կՎտժ՝ ներառյալ ավելացված արժեքի հարկը,
բ. ջեռուցման ամսական վճարը յուրաքանչյուր քառակուսի մետր տարածքի համար՝ 43.825 դրամ՝ առանց ավելացված արժեքի հարկի և 52.59 դրամ՝ ներառյալ ավելացված արժեքի հարկը,
գ. տաք ջրի մատակարարման ծառայության մատուցման դրույքը` 1010.833 դրամ` մատակարարված յուրաքանչյուր խորանարդ մետր տաք ջրի դիմաց՝ առանց ավելացված արժեքի հարկի և 1213.0 դրամ` ներառյալ ավելացված արժեքի հարկը,
դ. տաք ջրի մատակարարման ամսական վճարը յուրաքանչյուր քառակուսի մետր տարածքի համար՝ 23.367 դրամ՝ առանց ավելացված արժեքի հարկի և 28.04 դրամ՝ ներառյալ ավելացված արժեքի հարկը:
2. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի 2013 թվականի հունիսի 26-ի «ՀԱՅՌՈՒՍԿՈԳԵՆԵՐԱՑԻԱ» փակ բաժնետիրական ընկերության կողմից Երևան քաղաքի Ավան վարչական շրջանի Հովհաննիսյան, Վարուժանի, Իսահակյան թաղամասերի սպառողներին վաճառվող ջերմային էներգիայի սակագների սահմանման մասին» N 224-Ն որոշումը:
3. Սույն որոշումն ուժի մեջ է մտնում 2016 թվականի հունվարի 1-ից:
ՀՀ հանրային ծառայությունները
կարգավորող հանձնաժողովի
նախագահ` Ռ. Նազարյան