ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 մայիսի 2016 թվականի N 695-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՕԳՈՍՏՈՍԻ 26-Ի N 1072-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2010 թվականի օգոստոսի 26-ի «Հայաստանի Հանրապետության տարածքային կառավարման և արտակարգ իրավիճակների նախարարության դրոշը և խորհրդանիշը սահմանելու, ինչպես նաև դրանց կանոնադրություններն ու նկարագրությունները հաստատելու մասին» N 1072-Ն որոշման մեջ կատարել հետևյալ փոփոխությունները`
1) որոշման վերնագրում, նախաբանում, 1-ին կետի 1-ին և 2-րդ ենթակետերում, 2-րդ կետի 1-4-րդ ենթակետերում, N 1 հավելվածի վերնագրում, 1-ին, 2-րդ, 4-8-րդ կետերում, N 3 հավելվածի վերնագրում, 1-6-րդ և 10-րդ կետերում «արտակարգ իրավիճակների» բառերից առաջ հանել «տարածքային կառավարման և» բառերը.
2) որոշման նախաբանում «Հայաստանի Հանրապետության կառավարության 2014 թվականի դեկտեմբերի 25-ի N 1527-Ն որոշման N 1 հավելվածի 5-րդ կետին» բառերը փոխարինել «Հայաստանի Հանրապետության կառավարության 2016 թվականի մարտի 3-ի N 259-Ն որոշման N 1 հավելվածի 5-րդ կետին» բառերով.
3) որոշման N 3 հավելվածի 8-րդ կետը շարադրել հետևյալ խմբագրությամբ.
«8. Խորհրդանիշն իրենից ներկայացնում է արծիվ, որի երկարությունը 90 մմ է, լայնությունը` 120 մմ: Այն խորհրդանշում է քաղաքացիական պաշտպանության ու արտակարգ իրավիճակների բնագավառները: Արծվի կենտրոնում պատկերված է Հայաստանի Հանրապետության պետական դրոշը: Արծվի թևի մոտ պատկերված է ութաթև աստղ: Աստղի միջնամասում պատկերված է նարնջագույն շրջան, որի կենտրոնում քաղաքացիական պաշտպանությունը և փրկարարությունը խորհրդանշող հավասարակողմ եռանկյունաձև կապույտ տարբերանշանն է՝ կողմի 20 մմ երկարությամբ: Արծվի թևի ներքևի հատվածում N «7» տառաչափով, հայերենով գրված է «ԱԻՆ:».
4) որոշման NN 2 և 4 հավելվածները շարադրել նոր խմբագրությամբ` համաձայն NN 1 և 2 հավելվածների:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Հ. Աբրահամյան
2016 թ. հուլիսի 7
Երևան
Հավելված N 1
ՀՀ կառավարության 2016 թվականի
մայիսի 19-ի N 695-Ն որոշման
«Հավելված N 2
ՀՀ կառավարության 2010 թվականի
օգոստոսի 26-ի N 1072-Ն որոշման
Ձև
Դ Ր Ո Շ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ
Նկ. 1. Դրոշի երեսի կողմ
»:
Նկ. 2. Դրոշի հակառակ կողմ
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան
Հավելված N 2
ՀՀ կառավարության 2016 թվականի
մայիսի 19-ի N 695-Ն որոշման
«Հավելված N 4
ՀՀ կառավարության 2010 թվականի
օգոստոսի 26-ի N 1072-Ն որոշման
Ձև
Խ Ո Ր Հ Ր Դ Ա Ն Ի Շ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ
»:
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան