«Վավերացնում եմ»
Հայաստանի Հանրապետության
Նախագահ Ռ. Քոչարյան
10 ապրիլի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
13 փետրվարի 2003 թվականի N 310-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒՆԻՍԻ 21-Ի N 559 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի հունիսի 21-ի «Հայաստանի Հանրապետության տարածքում Հայաստանի հանրային հեռուստատեսության ծրագրի սփռումն ապահովող միջոցառումների մասին» N 559 որոշման մեջ կատարել հետևյալ փոփոխություններն ու լրացումները`
ա) որոշումը լրացնել հետևյալ բովանդակությամբ նոր՝ 3.1-ին կետով.
«3.1. Հայաստանի Հանրապետության տարածքում Հայաստանի հանրային հեռուստատեսության ծրագրի սփռումն ապահովող միջոցառումների ծրագրի երրորդ փուլով նախատեսված միջոցառումների իրականացման համար օգտագործել «Հայաստանի Հանրապետության 2003 թվականի պետական բյուջեի մասին» Հայաստանի Հանրապետության օրենքի N 1 հավելվածի 12 խմբի 08 ենթախմբի «02. Հայաստանի հանրային հեռուստատեսության ծրագրի սփռումն ապահովող միջոցառումներ» ծրագրի իրականացման համար հատկացված 165000000 դրամ գումարից գնման մրցույթների և փաստացի կատարված աշխատանքների արդյունքում տնտեսված 11518000 դրամը, ինչպես նաև «Հայաստանի Հանրապետության 2003 թվականի պետական բյուջեի մասին» Հայաստանի Հանրապետության օրենքով նախատեսված Հայաստանի Հանրապետության կառավարության պահուստային ֆոնդից հատկացնել 10000000 դրամ գումար:
բ) որոշմամբ հաստատված՝ Հայաստանի Հանրապետության տարածքում Հայաստանի հանրային հեռուստատեսության (ՀՀՀ) ծրագրի սփռումն ապահովող միջոցառումների ծրագրի`
1-ին բաժնի 4-րդ պարբերությունում «57» թիվը փոխարինել «67» թվով.
2-րդ բաժնի`
1-ին պարբերությունում «57» թիվը փոխարինել «67» թվով, «50» թիվը` «60» թվով.
2-րդ պարբերությունում «50» թիվը փոխարինել «60» թվով, «2 փուլով» բառերը` «3 փուլով» բառերով.
«Երկրորդ փուլ, 2003 թ.` նախատեսվում է կազմակերպել ՀՀՀ-ի ծրագրի հեռարձակումը 33 բնակավայրում, որոնց անվանումները և իրականացվելիք անհրաժեշտ միջոցառումները ներկայացված են N 5 հավելվածում» նախադասությունից հետո բաժինը լրացնել հետևյալ բովանդակությամբ նոր պարբերությամբ.
«Երրորդ փուլ, 2003-2004 թթ.` նախատեսվում է կազմակերպել ՀՀՀ-ի ծրագրի հեռարձակումը 10 բնակավայրում, որոնց անվանումները և իրականացվելիք անհրաժեշտ միջոցառումները ներկայացված են N 7 հավելվածում».
բաժինը լրացնել հետևյալ բովանդակությամբ նոր՝ N 7 հավելվածով.
«Հավելված N 7
Հայաստանի Հանրապետության տարածքում
Հայաստանի հանրային հեռուստատեսության
ծրագրի սփռումն ապահովող միջոցառումների
ծրագրի
ԵՐՐՈՐԴ ՓՈՒԼՈՎ ՆԱԽԱՏԵՍՎԱԾ՝ ՀԱՅԱՍՏԱՆի ՀԱՆՐԱՅԻՆ ՀԵՌՈՒՍՏԱՏԵՍՈՒԹՅԱՆ ԾՐԱԳՐԻ ՀԵՌԱՐՁԱԿՈՒՄԸ 10 ԲՆԱԿԱՎԱՅՐՈՒՄ ԿԱԶՄԱԿԵՐՊԵԼՈՒ ՀԱՄԱՐ ԻՐԱԿԱՆԱՑՎԵԼԻՔ ԱՆՀՐԱԺԵՇՏ ՄԻՋՈՑԱՌՈՒՄՆԵՐԸ
Մարզի
անվանումը Բնակավայրի
անվանումը Բնակչության
մոտավոր թիվը Միջոցառումները
Շիրակ Վարդաքար 663
Արբանյակային
ընդունմամբ
հեռուստակայանի
կառուցում`
հաղորդակ` 10 Վտ արբանյակային
ալեհավաք` 1,8 մ թվային ընդունիչ հեռարձակումը` PAL
ստանդարտով
Հայրենյաց 667
Սարատակ 1390
Լեռնուտ 206
Մեծ Սարիար 430
Հովտաշեն 357
Լուսաղբյուր 625
Ձիթհանքով 1447
Փոքրաշեն 216
Սարալանջ 1124
3-րդ բաժնի՝
3-րդ պարբերությունը շարադրել հետևյալ բովանդակությամբ նոր խմբագրությամբ.
«Առաջին և երկրորդ փուլերով նախատեսված արբանյակային 50 կայանի և Եղվարդում տեղադրվող նոր 500 Վտ հզորությամբ հաղորդակի համար պահանջվող ներդրումներն ըստ տարբերակների ներկայացված են N 6 հավելվածում:
Երրորդ փուլով նախատեսված 10 արբանյակային կայանի համար պահանջվող ներդրումները ներկայացված են N 8 հավելվածում».
բաժինը լրացնել հետևյալ բովանդակությամբ նոր N 8 հավելվածով.
«Հավելված N 8
Հայաստանի Հանրապետության տարածքում
Հայաստանի հանրային հեռուստատեսության
ծրագրի սփռումն ապահովող միջոցառումների
ծրագրի
ԱՐԲԱՆՅԱԿԱՅԻՆ 10 ԿԱՅԱՆԻ ՀԱՄԱՐ ՊԱՀԱՆՋՎՈՂ ՆԵՐԴՐՈՒՄՆԵՐԸ
(մլն դրամ)
Մարզի անվանումը III փուլ
Շիրակ 43.3
Ընդամենը` չափիչ սարքեր 2.4
Ընդամենը 45.7
գ) որոշմամբ հաստատված՝ Հայաստանի Հանրապետության տարածքում Հայաստանի հանրային հեռուստատեսության (ՀՀՀ) ծրագրի սփռումն ապահովող միջոցառումների ծրագրի N 3 հավելվածի`
աղյուսակի «Շիրակ» տողում «2» թիվը փոխարինել «12» թվով, «3220» թիվը` «7125» թվով, «Ընդամենը» տողում «57» թիվը փոխարինել «67» թվով, «21931» թիվը` «25836» թվով.
հավելվածը լրացնել հետևյալ բովանդակությամբ նոր պարբերությամբ.
«էլեկտրամագնիսական բարդ իրավիճակը».
որոշմամբ հաստատված՝ Հայաստանի Հանրապետության տարածքում Հայաստանի հանրային հեռուստատեսության (ՀՀՀ) ծրագրի սփռումն ապահովող միջոցառումների ծրագրի N 1 հավելվածը լրացնել հետևյալ բովանդակությամբ նոր պարբերությամբ.
«III փուլը` (10 հեռուստակայան) իրագործվում է նույն ժամանակացույցով` դրա ֆինանսավորման օրվանից»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ա. Մարգարյան
2003 թ. ապրիլի 4
Երևան