ՀՀ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ ՈՐՈՇՈՒՄԸ «ՎԱՐԴԱՆ ՄԱՄԻԿՈՆՅԱՆ» ՈՍԿԵ ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

13 սեպտեմբերի 2016 թ.

Պետական գրանցման թիվ 05016303

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

30 օգոստոսի 2016 թ. թիվ 138-Ն

Ո Ր Ո Շ ՈՒ Մ

«ՎԱՐԴԱՆ ՄԱՄԻԿՈՆՅԱՆ» ՈՍԿԵ ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2016թ. սեպտեմբերի 26-ից շրջանառության մեջ դնել «Վարդան Մամիկոնյան» ոսկե հուշադրամը:

2. Հաստատել սույն որոշման 1-ին կետով սահմանված հուշադրամի նկարագրությունը, որը էսքիզների հետ միասին ներկայացված է Հավելվածում (կցվում է):

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի

նախագահ Ա. Ջավադյան

2016 թ. օգոստոսի 31

Երևան

Հավելված

Հաստատված է

ՀՀ կենտրոնական բանկի խորհրդի

2016 թվականի օգոստոսի 30-ի

թիվ 138-Ն որոշմամբ

ՆԿԱՐԱԳՐՈՒԹՅՈՒՆ

«Վարդան Մամիկոնյան» ոսկե հուշադրամի

Հուշադրամի դիմերեսին պատկերված է դրվագ «Ավարայրի ճակատամարտը» մանրանկարից (1482 թ., Շարակնոց): Աջ կիսաշրջագծում` «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «Au 999,9», «100 g», ձախ կիսաշրջագծում` «REPUBLIC OF ARMENIA», «2016», ներքևում «DRAM 200000 ԴՐԱՄ» մակագրություններն են:

Հուշադրամի դարձերեսին պատկերված է դրվագ Գ. Խանջյանի «Վարդանանք» գոբելենից (1983 թ.): Շրջագծով «ՎԱՐԴԱՆ ՄԱՄԻԿՈՆՅԱՆ» և «VARDAN MAMIKONIAN» հայերեն և անգլերեն մակագրություններն են:

Տեխնիկական չափանիշները

Անվանական արժեքը 200 000 դրամ

Մետաղը և հարգը ոսկի 999,9.0

Քաշը 100 գ

Տրամագիծը 50,0 մմ

Որակը պրուֆ

Դրամաշուրթը ընդհատվող ատամնավոր, համարակալված

Տպաքանակը 100 հատ

Էսքիզների հեղինակն է Արամ Ուռուտյանը:

Հատվել է Լեհաստանի դրամահատարանում:

«Վարդան Մամիկոնյան» հուշադրամի դիմերեսի և դարձերեսի էսքիզները