Հոդված 2

Հոդված 2.

Օրենքի 18-րդ հոդվածում՝

ա) 1-ին կետի «գ» ենթակետը շարադրել հետևյալ խմբագրությամբ՝

«գ) գյուտի նախնական փորձաքննության, ինչպես նաև նախնական

արտոնագիր տալու վերաբերյալ գերատեսչության որոշման հետ

չհամաձայնելու դեպքում բողոքարկման խորհուրդ բողոք

ներկայացնելու համար 15».

բ) 1-ին կետի «ը» ենթակետը շարադրել հետևյալ խմբագրությամբ՝

«ը) գյուտի հիմնական արտոնագիր տալու վերաբերյալ

գերատեսչության որոշման հետ չհամաձայնելու դեպքում

բողոքարկման խորհուրդ բողոք ներկայացնելու համար 20».

գ) 1-ին կետի «իա», 2-րդ կետի «ժէ», 3-րդ կետի «ժե», 4-րդ կետի «ժթ» և 5-րդ կետի

«ժա» ենթակետերը «համար» բառից հետո լրացնել «(յուրաքանչյուրի)» բառով.

դ) 1-ին կետը լրացնել հետևյալ բովանդակությամբ «իբ» ենթակետով՝

«իբ) կրկնական փորձաքննության անցկացման մասին դիմումի

ներկայացման ժամկետը երկարաձգելու համար 8».

ե) 4-րդ կետը լրացնել հետևյալ բովանդակությամբ «իա» ենթակետով՝

«իա) կրկնական փորձաքննության անցկացման մասին դիմումի

ներկայացման ժամկետը երկարաձգելու համար 8».

զ) 5-րդ կետը լրացնել հետևյալ բովանդակությամբ «ժգ» ենթակետով՝

«ժգ) կրկնական փորձաքննության անցկացման մասին դիմումի

ներկայացման ժամկետը երկարաձգելու համար 8».

է) 8-րդ կետը լրացնել հետևյալ բովանդակությամբ «թ» ենթակետով՝

«թ) լիցենզային կամ զիջման մասին պայմանագրերի գրանցումը

մերժելու մասին գերատեսչության որոշման հետ չհամաձայնելու

դեպքում բողոքարկման խորհուրդ բողոք ներկայացնելու համար 50»: