Հոդված 36. Զինծառայողների տրանսպորտային սպասարկումը
Հոդված 36. Զինծառայողների տրանսպորտային սպասարկումը
Զինծառայողները Հայաստանի Հանրապետության տարածքում օգտվում են քաղաքային ուղևորատար տրանսպորտի բոլոր տեսակներից` անկախ սեփականության ձևից (բացի տաքսիից), անվճար երթևեկելու իրավունքից:
Զինծառայողները, արձակուրդի անցկացման վայր մեկնելիս, Հայաստանի Հանրապետության տարածքում մերձքաղաքային և միջքաղաքային ուղևորատար տրանսպորտի բոլոր տեսակներից` անկախ սեփականության ձևից (բացի տաքսիից), օգտվում են անվճար` երկկողմանի կարգով, իսկ ընտանիքի` նրանց ուղեկցող անդամները` 50 տոկոս զեղչով:
Զինծառայողներին ծառայողական պարտականությունների կատարման նպատակով այլ բնակավայրեր գործուղելու ծախսերը փոխհատուցվում են Հայաստանի Հանրապետության կառավարության սահմանած կարգով և պայմաններով:
Սույն օրենքի 13 հոդվածում նշված պատճառներով հաշմանդամ դարձած զինծառայողները, ինչպես նաև ծառայողական պարտականությունների կատարման ժամանակ զոհված (մահացած) զինծառայողների ընտանիքների անդամներն օգտվում են Հայաստանի Հանրապետության տարածքում քաղաքային, մերձքաղաքային և միջքաղաքային ուղևորատար տրանսպորտի բոլոր տեսակներից` անկախ սեփականության ձևից (բացի տաքսիից), անվճար երթևեկելու իրավունքից:
(36-րդ հոդվածը լրաց. 26.06.02 ՀՕ-384-Ն)