ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՄԻ ՇԱՐՔ ԳՆՄԱՆ ԳՈՐԾԱՐՔՆԵՐ ՀԱՇՎԱՌԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 սեպտեմբերի 2018 թվականի N 985-Ա

ՄԻ ՇԱՐՔ ԳՆՄԱՆ ԳՈՐԾԱՐՔՆԵՐ ՀԱՇՎԱՌԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 3-րդ և 106-րդ կետերը՝ Հայաստանի Հանրապետության կառավարությունը որոշում է.

1. Հայաստանի Հանրապետության արտակարգ իրավիճակների նախարարին` սույն որոշումն ուժի մեջ մտնելուց հետո եռօրյա ժամկետում ապահովել Հայաստանի Հանրապետության կառավարության 2018 թվականի մարտի 22-ի N 310-Ն որոշմամբ հատկացված միջոցների հաշվին կազմակերպված գնման ընթացակարգերի վերաբերյալ՝ գնումների մասին Հայաստանի Հանրապետության օրենսդրությամբ նախատեսված տեղեկությունների հրապարակումը և կնքված՝ սույն որոշման հավելվածում ներկայացված պայմանագրերի՝ «Գնումների մասին» Հայաստանի Հանրապետության օրենքի 9-րդ հոդվածի 2-րդ մասով սահմանված կարգով Հայաստանի Հանրապետության ֆինանսների նախարարություն հաշվառման ներկայացնելը:

2. Հայաստանի Հանրապետության ֆինանսների նախարարին՝ սույն որոշման 1-ին կետով նախատեսված պայմանագրերն ստանալուց հետո եռօրյա ժամկետում ապահովել դրանց հաշվառումը:

Հայաստանի Հանրապետության

վարչապետ Ն. Փաշինյան

2018 թ. սեպտեմբերի 12

Երևան

Հավելված

ՀՀ կառավարության 2018 թվականի

սեպտեմբերի 6-ի N 985-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ ՆԵՐԿԱՅԱՑՎՈՂ ՊԱՅՄԱՆԱԳՐԵՐԸ

NN

ը/կ Ծածկագիրը Պայմանագրի գումարը

(հազ. դրամ) Կնքման ամսաթիվը

1. ՀՄԱ-ԱՇՁԲ-18/1-2 6,345.5 17.05.2018 թ.

2. ՀՄԱ-ԾՁԲ-ԱԻՆ-18/2-1 8,143.9 17.05.2018 թ.

3. ՀՄԱ-ԱՇՁԲ-ԱԻՆ-18/1-1 12,322.8 17.05.2018 թ.

4. ՀՄԱ-ԾՁԲ-ԱԻՆ-18/2-2 3,879.3 17.05.2018 թ.

Հայաստանի Հանրապետության

վարչապետ Ն. Փաշինյան