ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ… (2015) — ՀՀ օրենսդրություն

ամբողջ փաստաթուղթըգործող խմբագրությունԲացել ARLIS-ում

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 ապրիլի 2015 թվականի N 451-Ն

ՇԱՀՈՒՄՈՎ ԽԱՂԵՐԻ ԿԱՄ ԽԱՂԱՏՆԵՐԻ ԿԱԶՄԱԿԵՐՊՉԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ պետական եկամուտների կոմիտե ՖԻՆԱՆՍԱԿԱՆ ՀՈՍՔԵՐԻ ՄԱՍԻՆ ԱՄՍԱԿԱՆ ՀԱՇՎԵՏՎՈՒԹՅՈՒՆ ՆԵՐԿԱՅԱՑՆԵԼՈՒ ԿԱՐԳԸ, ԺԱՄԿԵՏՆԵՐԸ, ԲՈՎԱՆԴԱԿՈՒԹՅՈՒՆԸ ԵՎ ՁԵՎԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 02.05.19 N 495-Ն)

Հիմք ընդունելով «Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքի 10-րդ հոդվածի 1-ին մասը՝ Հայաստանի Հանրապետության կառավարությունը որոշում է.

(նախաբանը փոփ. 02.05.19 N 495-Ն)

1. Հաստատել՝

1) շահումով խաղերի կամ խաղատների կազմակերպիչների կողմից Հայաստանի Հանրապետության պետական եկամուտների կոմիտե ֆինանսական հոսքերի մասին ամսական հաշվետվություն ներկայացնելու կարգը՝ համաձայն N 1 հավելվածի.

2) շահումով խաղերի կամ խաղատների կազմակերպիչների կողմից Հայաստանի Հանրապետության պետական եկամուտների կոմիտե ֆինանսական հոսքերի մասին ամսական հաշվետվության բովանդակությունը և ձևը՝ համաձայն N 2 հավելվածի:

(1-ին կետը փոփ. 02.05.19 N 495-Ն)

2. Սահմանել, որ շահումով խաղերի կամ խաղատան կազմակերպչի կողմից ֆինանսական հոսքերի մասին յուրաքանչյուր ամսվա հաշվետվությունը վերահսկող մարմին է ներկայացվում մինչև հաջորդ ամսվա 20-ը:

(2-րդ կետը փոփ. 02.05.19 N 495-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության

վարչապետ Հ. Աբրահամյան

2015 թ. մայիսի 5

Երևան

Հավելված N 1

ՀՀ կառավարության 2015 թվականի

ապրիլի 30-ի N 451-Ն որոշման

Կ Ա Ր Գ

ՇԱՀՈՒՄՈՎ ԽԱՂԵՐԻ ԿԱՄ ԽԱՂԱՏՆԵՐԻ ԿԱԶՄԱԿԵՐՊԻՉՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ պետական եկամուտների կոմիտե ՖԻՆԱՆՍԱԿԱՆ ՀՈՍՔԵՐԻ ՄԱՍԻՆ ԱՄՍԱԿԱՆ ՀԱՇՎԵՏՎՈՒԹՅՈՒՆ ՆԵՐԿԱՅԱՑՆԵԼՈՒ

(վերնագիրը փոփ. 02.05.19 N 495-Ն)

1. Սույն կարգով կարգավորվում են շահումով խաղերի կամ խաղատների կազմակերպիչների (այսուհետ՝ կազմակերպիչներ) կողմից Հայաստանի Հանրապետության պետական եկամուտների կոմիտե (այսուհետ՝ վերահսկող մարմին) «Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքի (այսուհետ՝ օրենք) 10-րդ հոդվածի 1-ին մասով սահմանված ֆինանսական հոսքերի մասին ամսական հաշվետվություն (այսուհետ՝ հաշվետվություն) ներկայացնելու հետ կապված հարաբերությունները:

(1-ին կետը փոփ. 02.05.19 N 495-Ն)

2. Սույն կարգում հասկացություններն օգտագործվում են օրենքով սահմանված հասկացությունների իմաստով:

3. Հաշվետվությունը վերահսկող մարմին կարող է ներկայացվել էլեկտրոնային համակարգի միջոցով` սույն կարգով և Հայաստանի Հանրապետության կառավարության 2010 թվականի սեպտեմբերի 24-ի N 1283-Ն որոշմամբ սահմանված կարգով:

(3-րդ կետը փոփ. 02.05.19 N 495-Ն)

4. Կազմակերպիչը հաշվետվությունը էլեկտրոնային համակարգով ներկայացնելու դեպքում ներկայացնում է հետևյալ հասցեով` www.e-gov.am/licenses/reports:

5. Կազմակերպիչը լրացնելու նպատակով www.e-gov.am կայքի «Լիցենզավորված անձանց հաշվետվությունների ընդունման համակարգ» բաժնում ընտրում է լիցենզավորման ենթակա գործունեության տեսակը («խաղատների կազմակերպում» կամ «շահումներով խաղերի կազմակերպում»), լիցենզավորված անձի տեսակը և հաշվետվության անվանումը, այնուհետև լրացնում համապատասխան տեղեկատվական դաշտերը և կցում հաշվետվությունը (XLS կամ XLSX ֆորմատների ֆայլերի տեսքով), որը Հայաստանի Հանրապետության օրենսդրությամբ սահմանված կարգով ստորագրված է էլեկտրոնային թվային ստորագրությամբ:

6. Հաշվետվությունը վերահսկող մարմնում մուտքագրված լինելու փաստը հավաստվում է նույն աշխատանքային օրվա ընթացքում` հետադարձ ծանուցմամբ, որը պարունակում է 12-նիշանոց ծածկագիր: Կազմակերպիչը հաշվետվության ընթացքին կարող է հետևել նշված 12-նիշանոց ծածկագրով համակարգ մուտք գործելու միջոցով:

(6-րդ կետը փոփ. 02.05.19 N 495-Ն)

7. Ներկայացված հաշվետվությունների ստուգման արդյունքում սահմանված ձևին անհամապատասխանություններ, անճշտություններ և բացթողումներ հայտնաբերելու դեպքում վերահսկող մարմինը դրա մասին, հաշվետվությունը մուտքագրվելուց հետո 15-օրյա ժամկետում, տեղեկացնում է կազմակերպչին այն էլեկտրոնային փոստի հասցեով և (կամ) հեռախոսահամարի միջոցով, որը նշված է էլեկտրոնային համակարգում և (կամ) կազմակերպչի կողմից նշված գտնվելու վայրի հասցեով: Տեղեկացվելուց հետո հնգօրյա ժամկետում թերությունները վերացնելու և սույն կարգով սահմանված ընթացակարգին համապատասխան հաշվետվությունը կրկին ներկայացնելու դեպքում այն համարվում է ներկայացված՝ էլեկտրոնային համակարգով սկզբնական ներկայացնելու օրը:

(7-րդ կետը փոփ. 02.05.19 N 495-Ն)

8. Մինչև Հայաստանի Հանրապետության օրենսդրությամբ հաշվետվությունները ներկայացնելու համար սահմանված ժամկետի ավարտը՝ կազմակերպիչը կարող է ներկայացնել հաշվետվության ուղղված տարբերակը: Վերահսկող մարմնի համար հիմք է ընդունվում Հայաստանի Հանրապետության օրենսդրությամբ հաշվետվությունները ներկայացնելու համար սահմանված ժամկետում` ներկայացված վերջին հաշվետվությունը:

(8-րդ կետը փոփ. 02.05.19 N 495-Ն)

9. Հաշվետվությունը թղթային կրիչով ներկայացնելու դեպքում այն ներկայացվում է որոշման 2-րդ կետով սահմանված՝ հաշվետվությունները ներկայացնելու ժամկետում վերահսկող մարմնի հաճախորդների սպասարկման սրահների միջոցով:

(9-րդ կետը լրաց. 02.05.19 N 495-Ն)

(հավելվածը փոփ., լրաց. 02.05.19 N 495-Ն)

Հայաստանի Հանրապետության

կառավարության աշխատակազմի

ղեկավար-նախարար Դ. Հարությունյան

Հավելված N 2

ՀՀ կառավարության 2015 թվականի

ապրիլի 30-ի N 451-Ն որոշման

Ձև

ՖԻՆԱՆՍԱԿԱՆ ՀՈՍՔԵՐԻ ԱՄՍԱԿԱՆ ՀԱՇՎԵՏՎՈՒԹՅՈՒՆ

20 թ. _________ ամսվա համար

Կազմակերպչի անվանումը

Կազմակերպչի գրանցման համարը

Կազմակերպչի ՀՎՀՀ-ն

Կազմակերպչի լիցենզիայի համարը

ԽԱՂԱՏԱՆ ԵԿԱՄՈՒՏՆ ԸՆԹԱՑԻԿ ԱՄՍՈՒՄ

ը/կ

(ա) Խաղի տեսակը

(բ) Եկամուտը կամ (կորուստը)

(գ) Խաղադրույքները

(դ) Եկամտի կամ (կորստի) տոկոսը

(ե)

Կենդանի խաղեր

1. Ամերիկյան պտուտակախաղ 0.0%

2. Բլեք Ջեք 0.0%

3. Հինգխաղաթղթանի պոկեր 0.0%

4. Հինգխաղաթղթանի պոկեր` խաղաթղթի փոխանակությամբ

5. Վեցխաղաթղթանի պոկեր 0.0%

6. Պոկեր՝ ջոկերով 0.0%

7. ակումբային-պոկեր

8. Տեխասյան պոկեր

9. Հինգխաղաթղթանի ստադ-պոկեր

10. Յոթխաղաթղթանի սթադ-պոկեր

11. ընդհանուր - կենդանի խաղեր 0 դրամ

Մեքենայացված խաղեր՝ ըստ առանձին մեքենաների (ըստ սերիական կամ ըստ պետական եկամուտների կոմիտեի կողմից համարակալված համարների)

1. 0.0%

2. 0.0%

3. 0.0%

4. 0.0%

5. 0.0%

6. 0.0%

7. 0.0%

Ընդհանուր խաղատան եկամուտ՝ մեքենայացված խաղերից 0 դրամ

ԽԱՂԱՏԱՆ ԿՈՂՄԻՑ ԱՄՍՎԱ ԸՆԹԱՑՔՈՒՄ ԿԱՏԱՐՎԱԾ ՇՏԿՈՒՄՆԵՐԸ

Չստացված / չպահանջված շահումներ մեկնաբանություններ

Կեղծ դրամ (գումարը՝ դրամային արտահայտությամբ)

չպահանջված ջեքփոթ

Այլ

0 դրամ

Խաղատան ընդհանուր եկամուտն ընթացիկ ամսում ____________0 դրամ

_________________________________ ___________________________________

(ամսաթիվը, ամիսը, տարեթիվը) (պաշտոնը, անունը, ազգանունը,

______________________________

ստորագրությունը)

(հավելվածը փոփ. 02.05.19 N 495-Ն)

Հայաստանի Հանրապետության

կառավարության աշխատակազմի

ղեկավար-նախարար Դ. Հարությունյան

Underscore-ի հետ