ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 սեպտեմբերի 2019 թվականի N 1249-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈՒՆՎԱՐԻ 30-Ի N 145-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2014 թվականի հունվարի 30-ի «Պետական նպաստների մասին» Հայաստանի Հանրապետության օրենքի կիրարկումն ապահովելու մասին» N 145-Ն որոշման (այսուհետ` որոշում) մեջ կատարել հետևյալ լրացումն ու փոփոխությունները.
1) որոշման N 3 հավելվածի`
ա. 9-րդ կետը լրացնել հետևյալ բովանդակությամբ 2.1-ին ենթակետով.
«2.1) ընտանիքը չունի որոշակի բնակության վայր և ընտանիքի բոլոր անդամները հաշվառված չեն բնակչության պետական ռեգիստրում: Այս դեպքում ընտանիքը գնահատման համակարգում հաշվառվում է տարածքային կենտրոնի հասցեով.».
բ. 14-րդ կետի 6.3) ենթակետում «8-րդ կետով» բառերը փոխարինել «7-8-րդ կետերով» բառերով.
գ. 52-րդ կետը շարադրել հետևյալ խմբագրությամբ.
«52. Ընտանիքի բնակության վայրը փոխվելու դեպքում, դիմումի համաձայն, նոր բնակության վայրի տարածքային կենտրոնը մեկօրյա ժամկետում էլեկտրոնային փոստի միջոցով դիմողի հին բնակության վայրի տարածքային կենտրոն է ուղարկում դիմումի պատճենը, որի հիման վրա հին բնակության վայրի տարածքային կենտրոնը 3 աշխատանքային օրվա ընթացքում էլեկտրոնային փոստի միջոցով տրամադրում է տվյալ ընտանիքի ստացած ընտանեկան կամ սոցիալական նպաստի կամ հրատապ օգնության մասին տեղեկանք` համաձայն N 8 ձևի:».
դ. N 8 ձևից հանել
«Ես` ______________________________________ ,
(քաղաքացու անունը, հայրանունը, ազգանունը) 20 թ.__ ին ստացա տեղեկանքը և
տեղեկացված եմ, որ 30 օրվա ընթացքում մինչև ___ _________ 20___ թ. նոր բնակության վայրի սոցիալական ծառայությունների տարածքային կենտրոնում չհաշվառվելու դեպքում իմ ընտանիքին` նախկին բնակության վայրի սոցիալական ծառայությունների տարածքային կենտրոնի նշանակած և չվճարած ընտանեկան նպաստը կամ միանվագ դրամական օգնությունը չեմ կարող ստանալ:
___________________
(ստորագրությունը)» բառերը.
2) ուժը կորցրած ճանաչել որոշման N 8 հավելվածի 35-րդ կետը:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2019 թ. սեպտեմբերի 20
Երևան