Հոդված 3

Հոդված 3.

Օրենքի 9-րդ հոդվածում՝

1) «ա» կետը «ռազմավարությունը» բառից հետո լրացնել «, ընդունում է ֆիզիկական կուլտուրայի և սպորտի բնագավառի իրավական ակտեր, մասնավորապես զանգվածային սպորտին, բարձրագույն նվաճումների սպորտին և մանկապատանեկան սպորտին առնչվող իրավական ակտեր» բառերով.

2) «դ» կետի «նորմատիվ ակտերը» բառերը փոխարինել «իրավական ակտերը» բառերով և նույն կետը լրացնել «, մասնավորապես զանգվածային սպորտին, բարձրագույն նվաճումների սպորտին և մանկապատանեկան սպորտին առնչվող իրավական ակտերը, այդ թվում՝ սույն օրենքի 7-րդ հոդվածի «դ» կետում նշված իրավական ակտերը» բառերով.

3) «ը» կետի «հանրային» բառը փոխարինել «զանգվածային» բառով.

4) «ժ.2» կետը «անձանց» բառից հետո լրացնել «, ինչպես նաև այդ ոլորտում ներդրում ունեցած անձանց» բառերով.

5) «ժ.3» կետը շարադրել հետևյալ խմբագրությամբ.

«ժ.3) մարզիկներին շնորհում է մարզական կոչումներ և կարգեր, ֆիզիկական կուլտուրայի և սպորտի բնագավառի լավագույն աշխատողներին և կազմակերպություններին, ինչպես նաև այդ ոլորտում ներդրում ունեցած անձանց պարգևատրում է մեդալներով, մրցանակներով, հուշանվերներով և արժեքավոր այլ նվերներով, տալիս է հավաստագրեր.».

6) լրացնել հետևյալ բովանդակությամբ «ժ.6» և «ժ.7» կետերով.

«ժ.6) հաստատում է օտարերկրյա պետություններում կազմակերպվող մրցաշարերին և այլ մարզական միջոցառումներին մասնակցող պատվիրակությունների ոչ մարզիկ ներկայացուցիչների կազմը.

ժ.7) հաստատում է հակադոպինգային կանոնները.»: