Գլուխ I · ԸՆԴՀԱՆՈՒՐ ԴՐՈՒՅԹՆԵՐ
Հոդված 4. Օրենքում օգտագործվող հիմնական հասկացությունները
Հոդված 4. Օրենքում օգտագործվող հիմնական հասկացությունները
Ստորև բերված հասկացությունները սույն օրենքում օգտագործվում են հետևյալ իմաստով`
աուդիտորական ծառայություն` աուդիտը և (կամ) աուդիտորական դիտարկումը.
աուդիտ իրականացնող անձ` աուդիտորական կազմակերպությունը և (կամ) անհատ աուդիտորը.
աուդիտորական կազմակերպություն` աուդիտորական ծառայություններ իրականացնող իրավաբանական անձը.
անհատ աուդիտոր` աուդիտորական ծառայություններ իրականացնող անհատ ձեռնարկատերը.
աուդիտի ենթարկվող անձ` այն իրավաբանական անձը, հիմնարկը կամ անհատ ձեռնարկատերը, որի մոտ իրականացվում են աուդիտորական ծառայություններ.
աուդիտոր` աուդիտորի որակավորում ստացած ֆիզիկական անձը: