ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԵՎ ԴՐԱ ԱՆԴԱՄ ՊԵՏՈՒԹՅՈՒՆՆԵՐԻ՝ ՄԻ ԿՈՂՄԻՑ, ԵՎ ՎԻԵՏՆԱՄԻ ՍՈՑԻԱԼԻՍՏԱԿԱՆ ՀԱՆՐԱՊԵՏՈՒԹՅԱՆ՝ ՄՅՈՒՍ ԿՈՂՄԻՑ, ՄԻՋԵՎ ԱԶԱՏ ԱՌԵՎՏՐԻ ՄԱՍԻՆ ՀԱՄԱՁԱՅՆԱԳՐԻՆ ԿԻՑ՝ ՌՈՒՍԱՍՏԱՆԻ ԴԱՇՆՈՒԹՅԱՆ ԵՎ ՎԻԵՏՆԱՄԻ ՍՈՑԻԱԼԻՍՏԱԿԱՆ ՀԱՆՐԱՊԵՏՈՒԹՅԱՆ ՄԻՋԵՎ ՍՏՈՐԱԳՐՎԱԾ ԹԻՎ 1 ԱՐՁԱՆԱԳՐՈՒԹՅՈՒՆ
Ստորագրելով Եվրասիական տնտեսական միության և դրա անդամ պետությունների՝ մի կողմից, և Վիետնամի Սոցիալիստական Հանրապետության՝ մյուս կողմից, միջև ազատ առևտրի մասին համաձայնագիրը (այսուհետ՝ «Համաձայնագիր»)՝ Ռուսաստանի Դաշնությունը և Վիետնամի Սոցիալիստական Հանրապետությունը համաձայնել են Համաձայնագրի 8-րդ գլխով (Ծառայությունների առևտուր, ներդրումներ և ֆիզիկական անձանց տեղաշարժ) նախատեսված ծառայությունների առևտրի, հիմնադրման, առևտրային ներկայության, գործունեության և ֆիզիկական անձանց տեղաշարժի մասով ստանձնել հանձնառություններ սույն Արձանագրության 1-ին հավելվածին (Համաձայնագրի 8.15 և 8.22 հոդվածներին համապատասխան ԱԱԲՌ բացառությունների ցանկը), 2-րդ հավելվածին (Հատուկ հանձնառությունների ժամանակացույցը՝ համաձայն II բաժնի (Ծառայությունների առևտուր)), 3-րդ հավելվածին (Վերապահումների ցանկը՝ համաձայն III բաժնի (Հիմնադրումը, առևտրային ներկայությունը և գործունեությունը)) և 4-րդ հավելվածին (Հատուկ հանձնառությունների ժամանակացույցը՝ համաձայն IV բաժնի (Ֆիզիկական անձանց տեղաշարժը)) համապատասխան։
Սույն Արձանագրությունը, այդ թվում՝ դրա հավելվածները, Համաձայնագրի անբաժանելի մասն են կազմում։
Կատարված է Բուրաբայում, 2015 թվականի մայիսի 29-ին, երկու բնօրինակով՝ անգլերենով։
Ռուսաստանի Դաշնության կողմից՝
/ստորագրություն/ Վիետնամի Սոցիալիստական Հանրապետության կողմից՝
/ստորագրություն/
ՀԱՎԵԼՎԱԾՆԵՐ
Հրապարակվել է կայքում 09 ապրիլի 2020 թվական: