ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 մայիսի 2020 թվականի N 748-Ա

ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով Հայաստանի Հանրապետության 2017 թվականի մայիսի 4-ի N 526-Ն որոշմամբ հաստատված կարգի 3-րդ կետը` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության առողջապահության նախարարությանը`

1) չեղարկել պատվաստանյութերի ձեռքբերման նպատակով Հայաստանի Հանրապետության առողջապահության նախարարության կողմից հայտարարված «ՀՀ ԱՆ ԲՄԱՊՁԲ-2020/17» ծածկագրով գնման ընթացակարգը.

2) պետության 2020 թվականի կարիքների համար անհրաժեշտ մենինգակոկային, վեցավալենտ, սեզոնային գրիպ և ոչ բջջային կապույտ հազի բաղադրիչով համակցված պատվաստանյութերի գնման ընթացակարգերի հրավերներում չսահմանել Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 32-րդ կետի 1-ին ենթակետի «գ» պարբերության պահանջները:

Հայաստանի Հանրապետության

վարչապետ Ն. Փաշինյան

2020 թ. մայիսի 15

Երևան