ՀՀ ՓՈԽՎԱՐՉԱՊԵՏԻ ՈՐՈՇՈՒՄԸ «ՋԻՆԻՇՅԱՆ» ՀԻՇԱՏԱԿԻ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՍԵՎԱՆԻ ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ՀԻՄՆՈՒՄ» ԾՐԱԳՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

5 հունիսի 2020 թվականի N 291-Ա

«ՋԻՆԻՇՅԱՆ» ՀԻՇԱՏԱԿԻ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՍԵՎԱՆԻ ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ՀԻՄՆՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Ջինիշյան» հիշատակի հիմնադրամի կողմից (Հայաստանի Հանրապետություն, քաղ. Երևան, Աբովյան 34/5, ՀՎՀՀ՝ 00060436) իրականացվող` 84,497,529 դրամ ընդհանուր արժողությամբ «Սևանի վերականգնողական կենտրոնի հիմնում» ծրագիրը` համաձայն հավելվածի:

2. «Ջինիշյան» հիշատակի հիմնադրամին՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության

փոխվարչապետ Տ. Ավինյան

2020 թ. հունիսի 5

Երևան

Հավելված

ՀՀ փոխվարչապետի 2020 թ.

հունիսի 5-ի N 291-Ա որոշման

«ՍԵՎԱՆԻ ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ՀԻՄՆՈՒՄ»

ԾՐԱԳԻՐ

1. Ծրագրի նպատակը Ծրագրի նպատակն է Սևանի և 10 շրջակա գյուղերի` հաշմանդամություն և զարգացման խնդիրներ ունեցող երեխաների կյանքի որակի բարելավումը` հիմնելով վերականգնողական խնամքի ցերեկային մասնագիտացված կենտրոն և ստեղծելով անհրաժեշտ անվճար պայմաններ երեխաների վերականգնման, գործունեության և սոցիալական ինտեգրման համար: Բոլոր ծառայությունները հաշմանդամ և զարգացման խնդիրներ ունեցող երեխաներին տրամադրվելու են անվճար ինչպես «Ջինիշյան» հիշատակի հիմնադրամի կողմից, այնպես էլ ՀՀ առողջապահության նախարարության կողմից։ Գեղարքունիքի մարզի Սևանի քաղաքապետարանի թիվ 1 «Բողբոջ» մսուր մանկապարտեզ համայնքային ոչ առևտրային կազմակերպության հարավ-արևմտյան մասնաշենքը վերակառուցվելու և կահավորվելու է որպես վերականգնողական կենտրոն:

Ծրագրի նախագծման և իրագործման հիմք է հանդիսացել այն հանգամանքը, որ Սևանի տարածաշրջանում չկա համապատասխան հաստատություն Սևան քաղաքի և շրջակա գյուղերի հաշմանդամ և զարգացման խնդիրներ ունեցող երեխաների կարիքները հոգալու համար:

Սկսած 2022թ. հունվարի 1-ից ՀՀ առողջապահության նախարարությունը կստանձնի գործառնական ծախսերը` համաձայն 2019 թ. նոյեմբերի 1-ին «Ջինիշյան» հիշատակի հիմնադրամի, ՀՀ առողջապահության նախարարության, Սևանի քաղաքապետարանի և «Սևանի բժշկական կենտրոն» ՓԲԸ-ի միջև ստորագրված փոխըմբռնման հուշագրի։ Բոլոր ծառայությունները հաշմանդամ և զարգացման խնդիրներ ունեցող երեխաներին տրամադրվելու են անվճար ինչպես «Ջինիշյան» հիշատակի հիմնադրամի, այնպես էլ ՀՀ առողջապահության նախարարության կողմից։

2. Ծրագրի բարեգործական որակման նպատակը Նախատեսվում է ծրագրի շրջանակներում, օրենքով սահմանված կարգով, օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:

3. Բարեգործը Ջինիշյան Հիշատակի Ծրագիր (100 Ուիդերսփուն փողոց, Լուիսվիլ, Կենտուկի, ԱՄՆ, 40202)

4. Ծրագիրը կատարողը «Ջինիշյան» հիշատակի հիմնադրամ (քաղ. Երևան, Աբովյան փող. 34/5, ՀՎՀՀ 00060436)

5. Ծրագրի իրականացման վայրը և բնագավառը Հայաստանի Հանրապետություն, Գեղարքունիքի մարզի Սևանի քաղաքապետարանի թիվ 1 «Բողբոջ» մսուր մանկապարտեզ համայնքային ոչ առևտրային կազմակերպության հարավ-արևմտյան մասնաշենք:

Բնագավառ՝ սոցիալական, առողջապահական։

6. Ծրագրի բյուջեն 84,497,529 դրամ:

7. Բարեգործություն ստացողը ՀՀ Գեղարքունիքի մարզի Սևան քաղաքի և շրջակա գյուղերի 0-17 տարեկան մոտ 250 հաշմանդամ և զարգացման խնդիրներ ունեցող երեխաները (209 շահառուի ցուցակն այս պահին առկա է) և «Սևանի բժշկական կենտրոն» ՓԲԸ՝ ՀՀ Գեղարքունիքի մարզ, քաղ. Սևան, Նաիրյան 169

8. Ծրագրի իրականացման տևողությունը 1-ը հունիսի 2020 թ. – 30-ը դեկտեմբերի 2021 թ.

9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը 1. Կատարել նախագծային աշխատանքներ՝ Սևանի վերականգնողական կենտրոնի վերակառուցման համար սեյսմոկայունության գնահատում և նախագծային շինարարական փաստաթղթերի մշակում։

Ժամկետը – 1/05/2019 թ. – 31/05/2019 թ․ (ավարտված է)

Բյուջեն - 1,350,000 դրամ

2. Վերակառուցել և վերանորոգել Սևան քաղաքի մանկապարտեզի մասնաշենքը, որը կծառայի որպես վերականգնողական կենտրոն։

Ժամկետը – 1/06/2020 թ. – 30/12/2020 թ.

Բյուջեն - 38,149,229 դրամ առանց ԱՀՀ

3. Կահավորել վերականգնողական կենտրոնը մասնագիտական սարքավորումներով և կահույքով։

Ժամկետը – 1/07/2020 թ. – 30/12/2020 թ.

Բյուջեն – 7,275,000 դրամ առանց ԱՀՀ, որից 1,057,150 դրամ մասնագիտական սարքավորումների և 6,217,850 դրամ կահույքի ձեռքբերման համար։

4. Հավաքագրել և վերապատրաստել առողջապահական ոլորտի 12 մասնագետներ, որոնք հետագայում աշխատանքի կանցնեն կենտրոնում՝ շահառու երեխաների հետ աշխատելու նպատակով: Վերապատրաստման ծառայությունները ձեռք են բերվելու Արաբկիր ԲՀ ԵԴԱԻ ԱրԲես առողջության կենտրոնից և կիրականացվեն քաղաք Երևանում, Սևանում և Գավառում:

Ժամկետը – 1/07/2020 թ. – 30/12/2020 թ.

Բյուջեն – 6,062,500 դրամ առանց ԱՀՀ

5. Ապահովել վերականգնողական կենտրոնի գործունեությունը: Սկսած 2021 թ. հունվարի 1-ից «Ջինիշյան» հիշատակի հիմնադրամը կվճարի վերականգնողական կենտրոնի գործառնական ծախսերը, ինչը ներառում է կոմունալ և այլ վարչարարական ծախսերը և 12 մասնագետների աշխատավարձերը:

Ժամկետը – 1/01/2021 թ. – 30/12/2021 թ.

Բյուջեն – 30,555,000 դրամ

6. Կազմակերպական ծախսեր՝ ծրագրի իրականացման ղեկավարման և մոնիթորինգի նպատակով։

Ժամկետը – 1/06/2020 թ. – 30/12/2021 թ․

Բյուջեն – 1,105,800 դրամ

10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը 1. Շինարարական աշխատանքների ծավալների և նյութերի տեսականու ձեռքբերման ընդհանուր արժեքը կազմում է 38,149,229 դրամ առանց ԱՀՀ։

2. Մասնագիտական սարքավորումների ձեռքբերում, որի ընդհանուր արժեքը կազմում է 1,057,150 դրամ առանց ԱՀՀ։

3. Կահույքի ձեռքբերում, որի ընդհանուր արժեքը կազմում է 6,217,850 դրամ առանց ԱՀՀ:

4. Առողջապահական ոլորտի 12 մասնագետների 6 ամսյա վերապատրաստում, որոնք հետագայում աշխատանքի կանցնեն կենտրոնում` շահառու երեխաների հետ աշխատելու նպատակով: Վերապատրաստման ծառայությունները՝ համապատասխան առողջապահական մասնագիտական ոլորտներում կկազմակերպվեն Արաբկիր ԲՀ ԵԴԱԻ-ի ԱրԲես առողջության կենտրոնի կողմից, որը նմանատիպ դասընթացների կազմակերպման մեծ փորձ ունի։ Արաբկիր ԲՀ ԵԴԱԻ-ի ԱրԲես առողջության կենտրոնի հետ կկնքվի ծառայությունների մատուցման պայմանագիր։ Վերապատրաստումը, որը բաղկացած է տեսական և գործնական մասերից, կիրականացվի քաղաքներ Երևանում, Սևանում և Գավառում։ Ծառայության ձեռքբերման ընդհանուր արժեքը կազմում է 6,062,500 դրամ առանց ԱՀՀ։

5. Մեքենայի շահագործման նպատակով բենզինի, քսայուղերի, պահեստամասերի ձեռքբերում 19 ամսվա համար։ Ընդհանուր արժեքը կազմում է 921,500 դրամ առանց ԱՀՀ։

6. Գրասենյակային պիտույքների և հեռախոսակապի ձեռքբերման ծախսեր 19 ամսվա համար։ Ընդհանուր արժեքը կազմում է 184,300 դրամ առանց ԱՀՀ։

11. Ծրագրի իրականացման հետ կապված կազմակերպական ծախսերը Կազմակերպական ծախսերը կազմում են 1,105,800 դրամ:

1. Տրանսպորտային ծախսեր - 921,500 դրամ

2. Հեռահաղորդակցության և գրասենյակային ծախսեր - 184,300 ՀՀ դրամ

12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ ● ՀՀ առողջապահության նախարարություն

● Սևանի քաղաքապետարան

13. Ծրագրի արդյունավետության նկատմամբ վերահսկողության մեխանիզմների նկարագրությունը «Ջինիշյան» հիշատակի հիմնադրամի առողջապահական ծրագրերի համակարգողը կհետևի ծրագրի իրականացման ընթացքին: Այդ նպատակով 2020 թ. հունիսի 1-ից մինչև 2021 թ. դեկտեմբերի 30-ը` ամիսը 2 անգամ մոնիթորինգային այցեր կկատարվեն: Կկազմակերպվեն կանոնավոր այցելություններ և աշխատանքների արդյունավետությունը բարելավելու նպատակով քննարկումներ` առաջացած հարցերին արագ լուծումներ առաջարկելով:

Շինարարական աշխատանքները կվերահսկվեն համաձայն ՀՀ օրենսդրության` տեխնիկական վերահսկիչի կողմից, ինչպես նաև ՀՀ կառավարության 2003 թ.-ի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով։

Հայաստանի Հանրապետության

փոխվարչապետ Տ. Ավինյան