ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

11 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 ապրիլի 2006 թվականի N 568-Ն

ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ

«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության պաշտպանության նախարարության ենթակայության «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկը վերակազմավորման ձևով վերակազմակերպել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության:

(1-ին կետը փոփ. 14.01.10 N 13-Ն)

2. Ընդունել ի գիտություն, որ «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությունը «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի իրավահաջորդն է` փոխանցման ակտին համապատասխան:

(2-րդ կետը փոփ. 14.01.10 N 13-Ն)

3. «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի տնօրինության` պետական սեփականություն հանդիսացող 76379.0 դրամ արժողությամբ գույքը` բացառությամբ պետական սեփականություն հանդիսացող հողերի, շենքերի, շինությունների, պատմամշակութային նշանակության և նվազագույն աշխատավարձի 10000-ապատիկը գերազանցող գույքի, սեփականության իրավունքով հանձնել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանը:

«Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի տնօրինության` պետական սեփականություն հանդիսացող 295763.0 դրամ արժողությամբ գույքը` պետական սեփականություն հանդիսացող հողերը, շենքերը, շինությունները, պատմամշակութային նշանակության և նվազագույն աշխատավարձի 10000-ապատիկը գերազանցող գույքն անժամկետ և անհատույց օգտագործման իրավունքով ամրացնել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանը` դրանց նպատակային նշանակությանը համապատասխան օգտագործելու պայմանով:

(3-րդ կետը փոփ. 14.01.10 N 13-Ն)

4. Սահմանել, որ «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության ստեղծման հիմնական նպատակը մշակութային գործունեության իրականացումն է, ինչպես նաև հայոց ազգագրությանը և ազատագրական պայքարի պատմությանն առնչվող թանգարանային նշանակություն ունեցող առարկաների ու հավաքածուների հայտնաբերումը, հաշվառումը, հանրահռչակումը, ազատագրական պայքարի պատմությունը հավերժացնող Սարդարապատի և Մուսա լեռան հերոսամարտերի հուշարձանների, դրանց պահպանական գոտիների` օրենքով սահմանված կարգով պահպանությունն ու օգտագործումը:

(4-րդ կետը խմբ. 14.01.10 N 13-Ն)

5. Թույլատրել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանն իրականացնել իր ստեղծման նպատակին համապատասխանող և ծառայող ձեռնարկատիրական գործունեության հետևյալ տեսակները`

1) վեհաժողովների, առևտրային ցուցահանդեսների կազմակերպում.

2) կրթական գործունեություն և արտադպրոցական դաստիարակություն մշակույթի բնագավառում.

3) զվարճությունների և հանգստի կազմակերպման այլ գործունեություն.

4) լուսանկարչության բնագավառում գործունեություն.

5) հուշանվերների, տնայնագործական, պաշտամունքային և կրոնական նշանակության արտադրատեսակների մանրածախ առևտուր.

6) հրատարակչական գործ:

(5-րդ կետը խմբ. 14.01.10 N 13-Ն)

6. «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության ֆինանսավորումն իրականացվում է Հայաստանի Հանրապետության օրենսդրությամբ սահմանված կարգով:

(6-րդ կետը փոփ. 14.01.10 N 13-Ն)

7. «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «դ», «ե» և «է» ենթակետերով ու 14-րդ հոդվածով նախատեսված լիազորությունները վերապահել Հայաստանի Հանրապետության կրթության, գիտության, մշակույթի և սպորտի նախարարին:

(7-րդ կետը փոփ. 14.01.10 N 13-Ն, 18.06.20 N 998-Ն)

8. Հայաստանի Հանրապետության պաշտպանության նախարարին՝ սույն որոշումն ուժի մեջ մտնելուց հետո մեկամսյա ժամկետում`

ա) հաստատել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության կանոնադրությունը.

բ) ապահովել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության պետական գրանցումը.

գ) հաստատել «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանը սեփականության իրավունքով հանձնվող և ամրացվող գույքի կազմը:

(8-րդ կետը փոփ. 14.01.10 N 13-Ն)

9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության

վարչապետ Ա. Մարգարյան

2006 թ. մայիսի 6

Երևան