10.12.2020
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 դեկտեմբերի 2020 թվականի N 2003-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՍԵՊՏԵՄԲԵՐԻ 27-Ի N 1586-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Ռազմական դրության իրավական ռեժիմի մասին» օրենքի 17-րդ և «Նորմատիվ իրավական ակտերի մասին» օրենքի 34-րդ հոդվածների 1-ին մասերով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2020 թվականի սեպտեմբերի 27-ի «Հայաստանի Հանրապետությունում ռազմական դրություն հայտարարելու մասին» N 1586-Ն որոշման 2-րդ կետով սահմանված հավելվածում կատարել հետևյալ փոփոխությունները և լրացումները՝
1) 1-ին գլխի վերնագրում և 1-ին կետում «ընդհանուր» բառը փոխարինել «մասնակի» բառով.
2) 2-րդ կետը «պլանը» բառից հետո լրացնել «՝ ըստ զինված ուժերի կիրառման համար անհրաժեշտ ռազմավարական ուղղությունների» բառերով.
3) 3-րդ կետում «, այլ զորքերը, քաղաքացիական պաշտպանության և արտակարգ իրավիճակների լիազոր պետական մարմնի ուժերը» բառերը փոխարինել «մասնակի» բառով.
4) 4-րդ կետը «զորակոչ» բառից հետո լրացնել «՝ ըստ զինված ուժերի կիրառման համար անհրաժեշտ ռազմավարական ուղղությունների համալրման անհրաժեշտության» բառերով.
5) 5-րդ կետը «պահեստազորայինների» բառից հետո լրացնել «՝ ըստ զինված ուժերի կիրառման համար անհրաժեշտ ռազմավարական ուղղությունների համալրման անհրաժեշտության,» բառերով, իսկ «և այլ զորքերի» բառերը հանել:
2. Սահմանել, որ՝
1) մինչև 2020 թվականի դեկտեմբերի 25-ը փուլային կարգով իրականացվում են զորահավաքային զորակոչի միջոցով զինված ուժերում զորահավաքային զինվորական ծառայություն անցնող զինծառայողների զորացրումը և ռազմատրանսպորտային պարտավորություն ունեցող մարմիններից ներգրավված տրանսպորտային միջոցների վերադարձն այդ մարմիններին՝ ըստ զինված ուժերի կիրառման համար անհրաժեշտ ռազմավարական ուղղություններում համալրման և ապահովման կարիքների վերացման անհրաժեշտության.
2) սույն որոշումն ուժի մեջ մտնելուց հետո երեք աշխատանքային օրվա ընթացքում իրականացվում են զորահավաքային զորակոչի միջոցով Հայաստանի Հանրապետության արտակարգ իրավիճակների նախարարության, Հայաստանի Հանրապետության ազգային անվտանգության ծառայության և Հայաստանի Հանրապետության ոստիկանության համակարգերում զորահավաքային զինվորական ծառայություն անցնող զինծառայողների զորացրումը և ռազմատրանսպորտային պարտավորություն ունեցող մարմիններից ներգրավված տրանսպորտային միջոցների վերադարձն այդ մարմիններին:
3. Սույն որոշումն ուժի մեջ է մտնում պաշտոնական հրապարակման պահից՝ անմիջապես:
Հայաստանի Հանրապետության
վարչապետ Ն. Փաշինյան
Պաշտոնական հրապարակման օրը՝ 11 դեկտեմբերի 2020 թվական: