ՀՀ ՓՈԽՎԱՐՉԱՊԵՏԻ ՈՐՈՇՈՒՄԸ «ՎԱՂԱՐՇԱՊԱՏԻ ՀԻՎԱՆԴԱՆՈՑ» ՊԵՏԱԿԱՆ ՓԲԸ-Ի ՀԱՍՑԵՈՎ ՍՏԱՑՎԱԾ ԲԵՌԻ ՆԵՐՄՈՒԾՄԱՆ ԾՐԱԳՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

11 փետրվարի 2021 թվականի N 112 -Ա

«ՎԱՂԱՐՇԱՊԱՏԻ ՀԻՎԱՆԴԱՆՈՑ» ՊԵՏԱԿԱՆ ՓԲԸ-Ի ՀԱՍՑԵՈՎ ՍՏԱՑՎԱԾ ԲԵՌԻ ՆԵՐՄՈՒԾՄԱՆ ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Ստրասբուրգի «Հայորդի» միավորման կողմից՝ որպես բժշկական օգնություն, «Վաղարշապատի հիվանդանոց» ՊՓԲԸ-ի հասցեով ուղարկված բեռի (6,184 կգ ընդհանուր քաշով, 4,750 եվրոյին համարժեք դրամ ընդհանուր արժողությամբ՝ ներառյալ փոխադրման ծախսերը, մաքսային ձևակերպումները կատարվելու են Արարատյան մաքսատուն-վարչությունում, ցանկը՝ համաձայն հավելվածի) ներմուծման ծրագիրը:

2. «Վաղարշապատի հիվանդանոց» ՊՓԲԸ-ին` նշված բեռի համապատասխան ձևակերպումներն ավարտելուց հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25‑րդ կետով սահմանված կարգով ներկայացնել ամփոփ տեղեկատվություն:

Հայաստանի Հանրապետության

փոխվարչապետ Տ. ԱվինՅԱՆ

2021 թ. փետրվարի 11

Երևան

Հավելված

ՀՀ փոխվարչապետի 2021 թ.

փետրվարի 11-ի N 112 -Ա

որոշման

ԲԵՌԻ ՑԱՆԿ

Հ/Հ Անվանում Քանակ Քաշ (կգ) Միավորի արժեք Ընդհանուր արժեք (եվրո)

1 Ավտոմատացված մահճակալ 29 հատ 5,870 կգ 150 եվրո 4,350 եվրո

2 Մեխանիկական մահճակալ 2 հատ 210 կգ 100 եվրո 200 եվրո

3 Նստասայլակ 10 հատ 104 կգ 20 եվրո 200 եվրո

Ընդամենը 6,184 կգ 4,750 եվրո

Հայաստանի Հանրապետության

փոխվարչապետ Տ. ԱվինՅԱՆ