ՇՐՋԱԿԱ ՄԻՋԱՎԱՅՐԻ ՆԱԽԱՐԱՐՈՒԹՅՈՒՆ
15 փետրվարի 2021 թ.
ք. Երևան N 52-Ն
Հ Ր Ա Մ Ա Ն
2021 ԹՎԱԿԱՆԻ ԸՆԹԱՑՔՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՋՐԱՅԻՆ ՏԱՐԱԾՔՆԵՐՈՒՄ ՍՈՑԻԱԼԱԿԱՆ ՆՊԱՏԱԿՆԵՐՈՎ ՈՐՍԻ (ՍԻՐՈՂԱԿԱՆ ՁԿՆՈՐՍՈՒԹՅՈՒՆ) ՀԱՄԱՐ ՆԱԽԱՏԵՍՎՈՂ ՕԳՏԱԳՈՐԾՄԱՆ ԹՈՒՅԼԱՏՐԵԼԻ ՉԱՓԱՔԱՆԱԿՆԵՐԸ ԵՎ ՈՐՍԻ ԺԱՄԿԵՏՆԵՐԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Որսի և որսորդական տնտեսության վարման մասին» Հայաստանի Հանրապետության օրենքի 5-րդ հոդվածի 2-րդ մասը, 8-րդ հոդվածի 1-ին մասի 8-րդ կետը.
ՀՐԱՄԱՅՈՒՄ ԵՄ՝
1. 2021 թվականի ընթացքում Հայաստանի Հանրապետության ջրային տարածքներում (բացառությամբ ֆիզիկական և իրավաբանական անձանց սեփականության իրավունքով պատկանող տարածքների) սահմանել սոցիալական նպատակներով որսի (սիրողական ձկնորսություն) հետևյալ կենդանատեսակները և դրանց չափաքանակները.
1) կարմրախայտ 2021 թվականի փետրվարի 1-ից դեկտեմբերի 30-ը
1 կգ-ից ոչ ավելի յուրաքանչյուր որս/օրվա ընթացքում,
ձվադրման ժամանակահատվածը՝ հոկտեմբեր-նոյեմբեր,
թույլատրելի չափերը՝ 15 սմ և ավելի,
2) ծիածանափայլ ֆորել 2021 թվականի փետրվարի 1-ից դեկտեմբերի 30-ը առանց սահմանափակման,
ձվադրման ժամանակահատվածը՝ հունվար-մարտ,
3) կովկասյան թեփուղ 2021 թվականի փետրվարի 1-ից դեկտեմբերի 30-ը
3 կգ-ից ոչ ավելի յուրաքանչյուր որս/օրվա ընթացքում,
ձվադրման ժամանակահատվածը՝ ապրիլ-հունիս, թույլատրելի չափերը՝ 20 սմ և ավելի,
4) սպիտակ ամուր 2021թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ ապրիլ-օգոստոս, թույլատրելի չափերը՝ 70 սմ և ավելի,
5) սև ամուր 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ ապրիլ-օգոստոս,
թույլատրելի չափերը՝ 70 սմ և ավելի,
6) կուրի կողակ 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս,
թույլատրելի չափերը՝ 25 սմ և ավելի,
7) կուրի բեղաձուկ 2021 թվականի փետրվարի 1-ից դեկտեմբերի 30-ը,
4 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հուլիս, թույլատրելի չափերը՝ 20 սմ և ավելի,
8) ճանար 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 30 սմ և ավելի,
9) արևելյան տառեխիկ 2021 թվականի փետրվարի 1-ից դեկտեմբերի 30-ը,
3 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 8 սմ և ավելի,
10) ծածան 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 40 սմ և ավելի,
11) սպիտակ հաստաճակատ 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 50 սմ և ավելի,
12) խայտաբղետ հաստաճակատ 2021 թվականի փետրվարի 1-ից դեկտեմբերի 30-ը,
5 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 50 սմ և ավելի,
13) արծաթափայլ կարաս 2021 թվականի փետրվարի 1-ից դեկտեմբերի 30-ը,
10 կգ-ից ոչ ավելի յուրաքանչյուր որս/օրվա ընթացքում,
ձվադրման ժամանակահատվածը՝ ապրիլ-հունիս, թույլատրելի չափերը՝ 10 սմ և ավելի,
14) բրամ 2021 թվականի փետրվարի 1-ից դեկտեմբերի 30-ը,
2 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ հուլիս-օգոստոս, թույլատրելի չափերը՝ 20 սմ և ավելի,
15) լոքո 2021 թվականի փետրվարի 1-ից դեկտեմբերի 30-ը,
8 կգ-ից ոչ ավելի յուրաքանչյուր որս/օրվա ընթացքում, ձվադրման ժամանակահատվածը՝ մայիս-հունիս, թույլատրելի չափերը՝ 60 սմ և ավելի,
16) խեցգետին 2021 թվականի փետրվարի 1-ից դեկտեմբերի 30-ը,
1 կգ-ից ոչ ավելի յուրաքանչյուր որս/օրվա ընթացքում, բազմացման ժամանակահատվածը՝ ապրիլ-օգոստոս, թույլատրելի չափերը՝ 9 սմ և ավելի։
2. Սահմանել, որ`
1) Հայաստանի Հանրապետության ջրային տարածքներում արգելվում է սիրողական ձկնորսությունը.
ա. սույն հրամանի 1-ին կետով չսահմանված կենդանատեսակների նկատմամբ,
բ. սույն հրամանի 1-ին կետի 1-ից 15-րդ ենթակետերով սահմանված կենդանատեսակների նկատմամբ՝ դրանց ձվադրման ժամանակահատվածներում, իսկ սույն հրամանի 1-ին կետի 16-րդ ենթակետով սահմանված կենդանատեսակի նկատմամբ՝ դրա բազմացման ժամանակահատվածներում,
2) Հայաստանի Հանրապետության ջրային տարածքներում սիրողական ձկնորսությունն իրականացվում է տարբեր տեսակի ձկնորսական կարթերով (կարթ, սպինինգ, և այլ) և խեցգետնորսության համար՝ խեցգետնորսիչներով,
3) սիրողական ձկնորսությունն իրականացվում է մեկ ձկնորսի համար միաժամանակ երկու որսամիջոցներով (կարթերով)` յուրաքանչյուրը ոչ ավել քան երկու կեռիկով (երկու և երեք ելունով կեռիկները համարվում են որպես մեկ կեռիկ),
4) խեցգետնի որսն իրականացվում է առավելագույնը երեք խեցգետնորսիչով` մինչև 70 սմ տրամագծով և 22 միլիմետրից ոչ պակաս խորշերով։
3. Շրջակա միջավայրի նախարարության լիցենզիաների, թույլտվությունների, համաձայնությունների վարչության պետին`
1) կենդանական աշխարհի օբյեկտների` սոցիալական նպատակներով օգտագործման մասին պայմանագրերի կնքման գործընթացը կազմակերպելիս հիմք ընդունել սույն հրամանի 1-ին կետում նշված կենդանատեսակները և դրանց չափաքանակները,
2) Սևանա լճում իշխան և սիգ ձկնատեսակների ձվադրման ժամանակահատվածում՝ ձկների բնական վերարտադրությունն ապահովելու նպատակով կենդանական աշխարհի օբյեկտների՝ սոցիալական նպատակներով օգտագործման մասին պայմանագրերի գործողության ժամկետ սահմանել մինչև 2021 թվականի նոյեմբերի 20-ը։
4. Շրջակա միջավայրի նախարարության հասարակայնության հետ կապերի բաժնի պետ-նախարարի մամուլի քարտուղարին` զանգվածային լրատվության միջոցներով ապահովել սույն հրամանի կատարման ընթացքի լուսաբանումը:
5. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
Նախարար
Ռ. Պետրոսյան
Պաշտոնական հրապարակման օրը՝ 16 փետրվարի 2021 թվական: